میں چپ کم رہا اور رویا زیادہ — پروین ام مشتاق
شاعر
میں چپ کم رہا اور رویا زیادہ
میں چپ کم رہا اور رویا زیادہ
یقیناً زمیں کم ہے دریا زیادہ
شب وصل مرغ سحر یاد رکھنا
زباں کاٹ لوں گا جو رویا زیادہ
میں نازک مزاجی سے واقف ہوں قاصد
اسی وجہ خط میں نہ لکھا زیادہ
دو بوسے لئے اس نے دو گالیاں دیں
نہ لینا زیادہ نہ دینا زیادہ
وہ سیر چمن کے لئے آ رہا ہے
اکڑنا نہ شمشاد اتنا زیادہ
وہ اتنا ہی بنتا ہے حرص مجسم
خدا جس کو دیتا ہے جتنا زیادہ
عمل پر مجھے اعتماد اپنے کم ہے
خدا کے کرم پر بھروسہ زیادہ
جو آنکھیں ترے خاک در سے ہیں روشن
ملایا ہے شاید ممیرا زیادہ
مجھے الفت زلف جب سے ہے پرویںؔ
بتاتے ہیں وہ جوش سودا زیادہ
Maiñ chup kam rahā aur royā ziyāda
Maiñ chup kam rahā aur royā ziyāda
Yaqīnan zamīñ kam hai dariyā ziyāda
Shab-e-vasl murgh-e-sahar yād rakhnā
Zabān kāṭ lūñgā jo royā ziyāda
Maiñ nāzuk mizājī se vāqif hūñ qāsid
Isī vajah ḳhat mein na likhā ziyāda
Do bose li.e us ne do gāliyāñ dīñ
Na lenā ziyāda na denā ziyāda
Vo sair-e-chaman ke li.e ā rahā hai
Akṛanā na shamshād itnā ziyāda
Vo itnā hī bantā hai hirs-e-mujassam
Khūdā jis ko detā hai jitnā ziyāda
Amal par mujhe e.atimād apne kam hai
Khūdā ke karam par bharosa ziyāda
Jo ānkheñ tere ḳhāk-e-dar se haiñ roshan
Milāyā hai shāyad mamīra ziyāda
Mujhe ulfat-e-zulf jab se hai Parvīn
Batāte haiñ vo josh-e-saudā ziyāda
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں