میں چپ رہوں تو گویا رنج و غم نہاں ہوں — پروین ام مشتاق
شاعر
میں چپ رہوں تو گویا رنج و غم نہاں ہوں
میں چپ رہوں تو گویا رنج و غم نہاں ہوں
بولوں تو سر سے پا تک حسرت کی داستاں ہوں
مسرور ہو تو مجھ سے میں تجھ سے شادماں ہوں
تو میرا میہماں ہو میں تیرا میزباں ہوں
کہتی ہے ان کی مستی ہوش آئے تو میں پوچھوں
اے بے خودی بتا دے اس وقت میں کہاں ہوں
ارشاد پر نظر ہے خاموش ہوں کہ گویا
چاہو تو بے زباں ہوں چاہو تو با زباں ہوں
جاں گھل چکی ہے غم میں اک تن ہے وہ بھی مہمل
معنی نہیں ہیں بالکل مجھ میں اگر بیاں ہوں
میں ہوں جنوں کے ہاتھوں مخلوق کا تماشہ
نا مہرباں ہوں خود پر دنیا پہ مہرباں ہوں
اللہ رے اس کی چوکھٹ ہے بوسہ گاہ عالم
کہتا ہے سنگ اسود میں سنگ آستاں ہوں
کہتا ہے میرا نالہ لب تک میں آتے آتے
سو جا تھما ہوں رہ میں اس درجہ ناتواں ہوں
نفرت ہو جس کو مجھ سے ملنے کا اس سے حاصل
نظروں میں کیوں سبک ہوں خاطر پہ کیوں گراں ہوں
مدت میں تم ملے ہو کیوں ذکر غیر آئے
میں اپنے سائے سے بھی خلوت میں بد گماں ہوں
چپ رہ گیا پیامی لیکن یہ خیر گزری
خط نے کہا کہ سنیے پرویںؔ کی میں زباں ہوں
Main chup rahun to goya ranj-o-gham nihaan hun
Main chup rahun to goya ranj-o-gham nihaan hun
Bolun to sar se pa tak hasrat ki dastaan hun
Masroor ho to mujh se, main tujh se shadmaan hun
Tu mera mehmaan ho, main tera mezbaan hun
Kehti hai unki masti, hosh aaye to main poochhun
Ay bekhudi bata de, is waqt main kahan hun
Irshad par nazar hai, khamosh hun ke goya
Chaho to be-zubaan hun, chaho to ba-zubaan hun
Jaan ghul chuki hai gham mein, ek tan hai wo bhi mohmal
Ma'ani nahin hain bilkul mujh mein agar bayaan hun
Main hun junoon ke hathon makhlooq ka tamasha
Na meharban hun khud par, duniya pe meharban hun
Allah re uski chaukhat hai bosa-gah-e-alam
Kehta hai sang-e-aswad main sang-e-aastaan hun
Kehta hai mera nala lab tak mein aate aate
So ja, thama hun reh mein, is darja natwaan hun
Nafrat ho jis ko mujh se, milne ka us se hasil
Nazron mein kyun subuk hun, khatir pe kyun giraan hun
Muddat mein tum mile ho, kyun zikr-e-ghair aaye
Main apne saaye se bhi khalwat mein bad-gumaan hun
Chup reh gaya payami, lekin ye khair guzri
Khat ne kaha ke suniye, Parveen ki main zubaan hun
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں