محفل میں غیر ہی کو نہ ہر بار دیکھنا — پروین ام مشتاق
شاعر
محفل میں غیر ہی کو نہ ہر بار دیکھنا
محفل میں غیر ہی کو نہ ہر بار دیکھنا
میری طرف بھی بھول کے سرکار دیکھنا
آغاز سبزہ سے ہے جو رخسار پر غبار
اگلے برس اسے خط گل زار دیکھنا
جب صرف گفتگو ہوں تو دیکھے انہیں کوئی
منظور ہو جو ابر گہربار دیکھنا
میں نے کہا کہ ہجر میں کچھ مشغلہ نہیں
بولے کہ رات دن در و دیوار دیکھنا
کہتا ہوں جب میں ان سے بناؤ سنگھار کو
کہتے ہیں کوئی اور طرحدار دیکھنا
میں جان بھی دریغ کروں تو گناہ گار
میرے سوا نہ اور خریدار دیکھنا
وہ مجھ سے پوچھتے ہیں کہ کچھ عیب تو نہیں
رفتار دیکھنا مری گفتار دیکھنا
شیخ زماں قدیم روش کے بزرگ ہیں
کتنا بڑا ہے گنبد دستار دیکھنا
وہ بار بار دیکھتے ہیں آئنہ میں منہ
اللہ ان کا روئے پر انوار دیکھنا
چلتے ہیں کوئے یار میں ہے وقت امتحاں
ہمت نہ ہارنا دل بیمار دیکھنا
ہوشیار پھونک پھونک کے رکھنا یہاں قدم
پرویںؔ ذرا زمانہ کی رفتار دیکھنا
Mehfil mein ghair hi ko na har baar dekhna
Mehfil mein ghair hi ko na har baar dekhna
Meri taraf bhi bhool ke Sarkar dekhna
Aaghaz-e-sabza se hai jo rukhsar par ghubaar
Agle baras use khat-e-gulzar dekhna
Jab sirf guftugoo hoon to dekhe unhein koi
Manzoor ho jo abr-e-gauharbaar dekhna
Maine kaha ke hijr mein kuch mashghala nahin
Bole ke raat din dar o deewar dekhna
Kehta hoon jab main un se banao singhar ko
Kehte hain koi aur tarahdaar dekhna
Main jaan bhi daregh karoon to gunahgaar
Mere siwa na aur khareedar dekhna
Woh mujh se poochhte hain ke kuch aib to nahin
Raftaar dekhna meri guftaar dekhna
Shaikh-e-zaman qadeem rawish ke buzurg hain
Kitna bada hai gumbad-e-dastaar dekhna
Woh baar baar dekhte hain aaina mein munh
Allah un ka roy-e-pur anwaar dekhna
Chalte hain koo-e-yaar mein hai waqt-e-imtehan
Himmat na haarna dil-e-beemar dekhna
Hoshiyar phoonk phoonk ke rakhna yahan qadam
Parveenؔ zara zamane ki raftaar dekhna
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں