مجھ کو کیا فائدہ گر کوئی رہا میرے بعد — پروین ام مشتاق
شاعر
مجھ کو کیا فائدہ گر کوئی رہا میرے بعد
مجھ کو کیا فائدہ گر کوئی رہا میرے بعد
ساری مخلوق بلا سے ہو فنا میرے بعد
مر چکا میں تو نہیں اس سے مجھے کچھ حاصل
برسے گر پانی کی جا آب بقا میرے بعد
چاہنے والوں کا کرتا ہے زمانہ ماتم
ماتمی رنگ میں ہے زلف رسا میرے بعد
روئیں گے مجھ کو مرے دوست سب آٹھ آٹھ آنسو
برسے گی قبر پہ گھنگھور گھٹا میرے بعد
یوں ہی کھلتی رہیں گی صحن چمن میں کلیاں
یوں ہی چلتی رہے گی باد صبا میرے بعد
جان دینے کو نہ ان پر کوئی تیار ہوا
گویا جاں باز زمانہ میں نہ تھا میرے بعد
ہاتھ سے ان کے ٹپکتے نہیں مے کے قطرے
اشک خوں روتا ہے یہ رنگ حنا میرے بعد
حشر تک کوئی نہ روکے گا ستم گاروں کو
جو خدا پہلے تھا وہ ہی ہے خدا میرے بعد
جیتے جی دیتے تھے جو گالیاں مجھ کو پرویںؔ
مغفرت کے لئے کرتے ہیں دعا میرے بعد
Mujh ko kya faida gar koi raha mere baad
Mujh ko kya faida gar koi raha mere baad
Saari makhlooq bala se ho fana mere baad
Mar chuka main to nahin is se mujhe kuch hasil
Barse gar paani ki ja aab-e-baqa mere baad
Chahne walon ka karta hai zamana maatam
Maatami rang mein hai zulf-e-rasa mere baad
Roenge mujh ko mere dost sab aath aath aansoo
Barsegi qabr pe ghunghor ghata mere baad
Yun hi khilti rahengi sehn-e-chaman mein kaliyan
Yun hi chalti rahegi baad-e-saba mere baad
Jaan dene ko na un par koi tayyar hua
Goya jaanbaaz zamane mein na tha mere baad
Haath se unke tapakte nahin mai ke qatre
Ashk-e-khoon rota hai ye rang-e-hina mere baad
Hashr tak koi na roke ga sitamgaron ko
Jo Khuda pehle tha wo hi hai Khuda mere baad
Jeete ji dete the jo galiyan mujh ko Parveen
Maghfirat ke liye karte hain dua mere baad
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں