نہ آیا کر کے وعدہ وصل کا اقرار تھا کیا تھا — پروین ام مشتاق
شاعر
نہ آیا کر کے وعدہ وصل کا اقرار تھا کیا تھا
نہ آیا کر کے وعدہ وصل کا اقرار تھا کیا تھا
کسی کے بس میں تھا مجبور تھا لاچار تھا کیا تھا
برا ہو بد گمانی کا وہ نامہ غیر کا سمجھا
ہمارے ہاتھ میں تو پرچۂ اخبار تھا کیا تھا
صدا سنتے ہی گویا مردنی سی چھا گئی مجھ پر
یہ شور صور تھا یا وصل کا انکار تھا کیا تھا
خدا کا دوست ہے تعمیر دل جو شخص کرتا ہو
خلیل اللہ بھی کعبہ کا اک معمار تھا کیا تھا
نہ آئے تم نہ آؤ میں نے کیا کچھ منتیں کی تھیں
تمہیں نے خود کیا تھا عہد یہ اقرار تھا کیا تھا
ہوا میں جب اڑا پردہ تو اک بجلی سی کوندی تھی
خدا جانے تمہارا پرتو رخسار تھا کیا تھا
ملا تو ہم سے محفل میں جو شب کو غیر کیوں بگڑا
ترا حاکم تھا ٹھیکا دار تھا مختار تھا کیا تھا
مری میت پہ ماتم کرتے ہو اللہ رے چالاکی
خبر ہے خود تمہیں مدت سے میں بیمار تھا کیا تھا
ہزاروں حسرتیں بیتاب تھیں باہر نکلنے کو
وہ سوتے میں بھی پرویںؔ فتنۂ بیدار تھا کیا تھا
Na aaya kar ke wa'ada-e-vasl ka iqrar tha kya tha
Na aaya kar ke wa'ada-e-vasl ka iqrar tha kya tha
Kisi ke bas mein tha, majboor tha, laachar tha kya tha
Bura ho bad-gumani ka, wo naama ghair ka samjha
Hamare haath mein to parcha-e-akhbaar tha kya tha
Sada sunte hi goya murdani si chha gai mujh par
Ye shor-e-soor tha ya vasl ka inkar tha kya tha
Khuda ka dost hai ta'meer-e-dil jo shakhs karta ho
Khaleel-ullah bhi Kaaba ka ek me'maar tha kya tha
Na aaye tum, na aao, maine kya kuch minnatain ki thien
Tumhein ne khud kiya tha ahd, ye iqrar tha kya tha
Hawa mein jab uda parda, to ek bijli si kaundi thi
Khuda jaane tumhara partau-e-rukhsar tha kya tha
Mila to hum se mehfil mein, jo shab ko ghair kyun bigda
Tera haakim tha, theka-daar tha, mukhtar tha kya tha
Meri maiyat pe maatam karte ho, Allah re chalaki
Khabar hai khud tumhein muddat se main beemar tha kya tha
Hazaron hasratain betaab thien bahar nikalne ko
Wo sote mein bhi Parveen, fitna-e-bedaar tha kya tha
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں