نرگسیں آنکھ بھی ہے ابروئے خم دار کے پاس — پروین ام مشتاق
شاعر
نرگسیں آنکھ بھی ہے ابروئے خم دار کے پاس
نرگسیں آنکھ بھی ہے ابروئے خم دار کے پاس
دوسری اور بھی تلوار ہے تلوار کے پاس
دشمنوں کا مری قسمت سے ہے قابو مجھ پر
یار کے پاس ہے دل یار ہے اغیار کے پاس
یاد رکھنا جو ہوئی وعدہ خلافی ان کی
بسترہ آن جمے گا تری دیوار کے پاس
قیدیٔ زلف کی قسمت میں ہے رخسار کی سیر
شکر ہے باغ بھی ہے مرغ گرفتار کے پاس
چہرہ بھی برق بھی دل لینے میں گیسو بھی بلا
ایک سا معجزہ ہے کافر و دیں دار کے پاس
غیر بے جرم ہیں اور میں ہوں وفا کا مجرم
کون آتا بھلا مجھ سے گنہ گار کے پاس
قبر میں سوئیں گے آرام سے اب بعد فنا
آئے گا خواب عدم دیدۂ بے دار کے پاس
اس کی کیا وجہ مرے ہوتے وہاں کیوں نہ رہیں
کیوں رہے زلف سیہ آپ کے رخسار کے پاس
ہوشیاری سے ہو پرویںؔ چمن حسن کی سیر
دام اور دانہ ہیں دونوں رخ دل دار کے پاس
Nargisīñ āñkh bhī hai abrue-ḳhamdār ke paas
Nargisīñ āñkh bhī hai abrue-ḳhamdār ke paas
Dūsrī aur bhī talvār hai talvār ke paas
Dushmanōñ kā mirī qismat se hai qābū mujh par
Yār ke paas hai dil yār hai aghyār ke paas
Yād rakhnā jo huī va.ada-ḳhilāfī un kī
Bistara ān jamegā tirī dīvār ke paas
Qaidi-e-zulf kī qismat mein hai ruḳhsār kī sair
Shukr hai bāgh bhī hai murgh-e-giriftār ke paas
Chehra bhī barq bhī dil lene mein gīsū bhī balā
Ek sā mo.ajiza hai kāfir-o-dīñdār ke paas
Ghīr be-jurm haiñ aur maiñ hūñ vafā kā mujrim
Kaun ātā bhalā mujh se gunahgār ke paas
Qabr mein so.eñge ārām se ab ba.ad-e-fanā
Ā.e ga ḳhvāb-e-adam dīda-e-bedār ke paas
Is kī kyā vajah mire hote vahāñ kyūñ na raheñ
Kyūñ rahe zulf-e-siyah aap ke ruḳhsār ke paas
Hoshiyārī se ho Parvīn chaman-e-husn kī sair
Dām aur dāna haiñ donoñ ruḳh-e-dildār ke paas
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں