نئے غمزے نئے انداز نظر آتے ہیں — پروین ام مشتاق
شاعر
نئے غمزے نئے انداز نظر آتے ہیں
نئے غمزے نئے انداز نظر آتے ہیں
دن بہ دن حسن کے اعجاز نظر آتے ہیں
وہ شہید نگہ ناز نظر آتے ہیں
آج کل اور ہی انداز نظر آتے ہیں
سر جھکائے ہوئے چلتا ہوں ترے کوچہ میں
کیونکہ سر باز ہی سر باز نظر آتے ہیں
بہت اونچے نہ اڑے ہیں نہ اڑیں گے گیسو
یہ کبوتر تو گرہ باز نظر آتے ہیں
جھوٹ خود بولنا الٹا مجھے جھوٹا کہنا
سچ ہے دم بازوں کو دم باز نظر آتے ہیں
بھیج تو دی ہے غزل دیکھیے خوش ہوں کہ نہ ہوں
کچھ کھٹکتے ہوئے الفاظ نظر آتے ہیں
غمزہ و ناز و ادا مہر و وفا جور و جفا
سب کے سب خانہ بر انداز نظر آتے ہیں
لطف آئے جو شب وصل موذن سو جائے
کیونکہ وہ گوش بر آواز نظر آتے ہیں
عمر گزری ہمیں سرکار پہ مرتے مرتے
جان دیتے ہیں تو جاں باز نظر آتے ہیں
بلبلوں سے نہیں گل زار زمانہ خالی
شکر ہے یاں بھی ہم آواز نظر آتے ہیں
بد گمانی بھی محبت کا نشاں ہے پرویںؔ
غلطی ہو تو ہو ناراض نظر آتے ہیں
Naye ghamze naye andaaz nazar aate hain
Naye ghamze naye andaaz nazar aate hain
Din ba din husn ke ejaz nazar aate hain
Woh shaheed-e-nigah-e-naaz nazar aate hain
Aaj kal aur hi andaaz nazar aate hain
Sar jhukaye hue chalta hoon tere koocha mein
Kyunke sar-baaz hi sar-baaz nazar aate hain
Bahut oonche na uden hain na udenge gesu
Ye kabootar to girah-baaz nazar aate hain
Jhoot khud bolna ulta mujhe jhoota kehna
Sach hai dam-baazon ko dam-baaz nazar aate hain
Bhej to di hai ghazal dekhiye khush hon ke na hon
Kuch khatakte hue alfaaz nazar aate hain
Ghamza-o-naaz-o-ada, mehr-o-wafa, jaur-o-jafa
Sab ke sab khana-bar-andaaz nazar aate hain
Lutf aaye jo shab-e-wasl mo'azzin so jaaye
Kyunke woh gosh bar aawaz nazar aate hain
Umr guzri humein sarkar pe marte marte
Jaan dete hain to jaan-baaz nazar aate hain
Bulbulon se nahin gulzar-e-zamana khaali
Shukr hai yaan bhi hum-aawaz nazar aate hain
Bad-gumani bhi mohabbat ka nishaan hai Parveen
Ghalati ho to ho naraaz nazar aate hain
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں