نکالی جائے کس ترکیب سے تقریر کی صورت — پروین ام مشتاق
شاعر
نکالی جائے کس ترکیب سے تقریر کی صورت
نکالی جائے کس ترکیب سے تقریر کی صورت
وہ آئینہ کی صورت اور میں تصویر کی صورت
گرفتار محبت کر لیا باتوں ہی باتوں میں
تسلسل سے نمایاں ہو گئی زنجیر کی صورت
زیادہ آئینہ سے ہے منور مصحف عارض
اور اس پر خال مشکیں آیۂ تطہیر کی صورت
ترے تیور بدلتے ہی زمانہ ہو گیا دشمن
ہلال عید بھی ظاہر ہوا شمشیر کی صورت
ستم ہو جائے گا گر بال بھی بیکا ہوا اس کا
نکل کر آہ سینہ سے گئی ہے تیر کی صورت
کبھی میٹھی نگاہیں ہیں کبھی تیور بدلتے ہیں
نہ مرتا ہوں نہ جیتا ہوں یہ ہے تعزیر کی صورت
مزہ کیا اس بت بے پیر سے دل کے لگانے کا
جو خلوت میں ہو بت محفل میں ہو تصویر کی صورت
خفا ہوتے ہی کچھ کا کچھ بھوؤں کا ہو گیا نقشہ
کبھی خنجر کی صورت اور کبھی شمشیر کی صورت
جسے مل جائے خاک پاک دشت کربلا پرویںؔ
پلٹ کر بھی نہ دیکھے وہ کبھی اکسیر کی صورت
Nikali jaye kis tarkeeb se taqreer ki soorat
Nikali jaye kis tarkeeb se taqreer ki soorat
Wo aaina ki soorat aur main tasweer ki soorat
Giraftar-e-mohabbat kar liya baton hi baton mein
Tasalsul se numayan ho gai zanjeer ki soorat
Ziyada aaina se hai munawwar mushaf-e-aariz
Aur is par khaal-e-mushkeen aaye tat'heer ki soorat
Tere tevar badalte hi zamana ho gaya dushman
Hilal-e-eid bhi zahir hua shamshir ki soorat
Sitam ho jayega gar baal bhi beka hua uska
Nikal kar aah seena se gai hai teer ki soorat
Kabhi meethi nigahen hain, kabhi tevar badalte hain
Na marta hun na jeeta hun, ye hai ta'zeer ki soorat
Maza kya is but-e-be-peer se dil ke lagane ka
Jo khalwat mein ho but, mehfil mein ho tasweer ki soorat
Khafa hote hi kuch ka kuch bhoon ka ho gaya naqsha
Kabhi khanjar ki soorat aur kabhi shamshir ki soorat
Jise mil jaye khaak-e-paak dasht-e-Karbala Parveen
Palat kar bhi na dekhe wo kabhi ikseer ki soorat
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں