پہلو و پشت و سینہ و رخسار آئنہ — پروین ام مشتاق
شاعر
پہلو و پشت و سینہ و رخسار آئنہ
پہلو و پشت و سینہ و رخسار آئنہ
ہے رزم گاہ حسن کا یہ چار آئنہ
کف آئنہ بر آئنہ رخسار آئنہ
ہے سر سے پاؤں تک وہ ستم گار آئنہ
ہٹتا نہیں جو سامنے سے اس کے رات دن
ہم سے سوا ہے طالب دیدار آئنہ
یہ تو مرا رقیب ہے میں مانتا نہیں
کیوں دیکھتا ہے آپ کو ہر بار آئنہ
رخ کا ہے عکس دل میں تو رخ میں ہے دل کا عکس
ہے آئنے کے سامنے ہر بار آئنہ
خلوت میں اس کے نور سے عالم ہے طور کا
ہیں آب و تاب سے در و دیوار آئنہ
غش کھا کے گر پڑے نہ کہیں رعب حسن سے
اس واسطے ہے پشت بہ دیوار آئنہ
کس میں ہے آب و تاب سوا دیکھ لیجئے
اک بار اس کا چہرہ اور اک بار آئنہ
رخ کا اور اس کا ہو گیا اک بار فیصلہ
اچھا ہوا کہ مان گیا ہار آئنہ
لبریز ہے شعاع رخ دل فروز سے
لے آب حسن ساغر سرشار آئنہ
پرویںؔ جہاں میں اس کی جھپکتی نہیں پلک
حیرت کا آپ کرتا ہے اقرار آئنہ
Pahloo-o-pusht-o-seena-o-rukhsaar aaina
Pahloo-o-pusht-o-seena-o-rukhsaar aaina
Hai razm-gah-e-husn ka ye chaar aaina
Kaf-e-aaina bar aaina, rukhsaar aaina
Hai sar se paaon tak woh sitamgar aaina
Hatta nahin jo saamne se us ke raat din
Hum se siwa hai talib-e-deedaar aaina
Ye to mera raqeeb hai main maanta nahin
Kyun dekhta hai aap ko har baar aaina
Rukh ka hai aks dil mein to rukh mein hai dil ka aks
Hai aaine ke saamne har baar aaina
Khalwat mein us ke noor se aalam hai Toor ka
Hain aab-o-taab se dar-o-deewar aaina
Gash kha ke gir pade na kahin ro'ab-e-husn se
Is waaste hai pusht ba deewar aaina
Kis mein hai aab-o-taab siwa dekh leejiye
Ek baar us ka chehra aur ek baar aaina
Rukh ka aur us ka ho gaya ek baar faisla
Achha hua ke maan gaya haar aaina
Labrez hai shua-e-rukh-e-dil firoz se
Le aab-e-husn saaghar-e-sarshar aaina
Parveen jahan mein us ki jhapakti nahin palak
Hairat ka aap karta hai iqraar aaina
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں