پوشاک نہ تو پہنیو اے سرو رواں سرخ — پروین ام مشتاق
شاعر
پوشاک نہ تو پہنیو اے سرو رواں سرخ
پوشاک نہ تو پہنیو اے سرو رواں سرخ
ہو جائے نہ پرتو سے ترے کون و مکاں سرخ
یاں بادۂ احمر کے چھلکتے ہیں جو ساغر
اے پیر مغاں دیکھ کہ ہے ساری دکاں سرخ
پی بادۂ احمر تو یہ کہنے لگا گل رو
میں سرخ ہوں تم سرخ زمیں سرخ زماں سرخ
کیا پان کی سرخی نے کیا قتل کسی کو
شدت سے ہے کیوں آج تری تیغ زباں سرخ
سینہ میں دل غمزدہ خوں ہو گیا شاید
بے وجہ بھی ہوتے ہیں کہیں اشک رواں سرخ
کیا بھڑکے ہے سینہ میں مرے آتش فرقت
جو آہ کے ہمراہ نکلتا ہے دھواں سرخ
یہ قتل خزاں پر ہیں جوانان چمن شاد
ہر سمت گل و لالہ اڑاتے ہیں نشاں سرخ
گر میری شہادت کی بشارت نہیں پرویںؔ
پھر کیوں ہے خط شوق کے عنواں یہ نشاں سرخ
Poshaak na tu pehniyo aye sarv-e-rawaan surkh
Poshaak na tu pehniyo aye sarv-e-rawaan surkh
Ho jaaye na partau se tere kaun-o-makaan surkh
Yaan baada-e-ahmar ke chhalkate hain jo saaghar
Aye peer-e-mugaan dekh ke hai saari dukaan surkh
Pi baada-e-ahmar to ye kehne laga gul-roo
Main surkh hoon, tum surkh, zameen surkh, zamaan surkh
Kya paan ki surkhi ne kiya qatl kisi ko
Shiddat se hai kyun aaj teri tegh-e-zabaan surkh
Seena mein dil-e-ghamzada khoon ho gaya shayad
Be-wajah bhi hote hain kahin ashk-e-rawaan surkh
Kya bhadke hai seena mein mere aatish-e-furqat
Jo aah ke humrah nikalta hai dhuan surkh
Ye qatl-e-khizaan par hain jawanan-e-chaman shaad
Har simt gul-o-lala udaate hain nishaan surkh
Gar meri shahadat ki bashaarat nahin Parveen
Phir kyun hai khat-e-shauq ke unwaan ye nishaan surkh
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں