وقت پر آتے ہیں نہ جاتے ہیں — پروین ام مشتاق
شاعر
وقت پر آتے ہیں نہ جاتے ہیں
وقت پر آتے ہیں نہ جاتے ہیں
روز اقرار بھول جاتے ہیں
وہ جو بے وجہ مسکراتے ہیں
سیکڑوں وہم دل میں آتے ہیں
اشک حسرت نکل کے دامن میں
جان سے ہاتھ دھوئے آتے ہیں
جب تم آتے نہیں ہو وعدہ پر
ملک الموت کو بلاتے ہیں
سو گیا بخت جب سے رو رو کر
سارے ہم سایوں کو جگاتے ہیں
ان کو شرم و حیا نہیں آتی
دل چرا کر نظر چراتے ہیں
بے خطا ہے وہ آسماں مجرم
اس کو الزام کیوں لگاتے ہیں
جان کر بن گئے ہیں ہم بھولے
چٹکیوں میں کسے اڑاتے ہیں
تیرے کوچہ میں ہم بھی اب تھک کر
دل کے مانند بیٹھے جاتے ہیں
غیر کیا اور اس کی ہستی کیا
آپ کیوں مفت خوف کھاتے ہیں
کوئی تازہ ستم کیا ایجاد
دیکھ کر وہ جو مسکراتے ہیں
آگ پانی میں کیوں لگاتے ہو
نیک جو لوگ ہیں بجھاتے ہیں
تم مرے دل میں ہو تو دیکھوں میں
حور و غلماں کہیں سماتے ہیں
میں نے پوچھی جو وجہ قتل کہا
ٹھہرو دم لے کے ہم بتاتے ہیں
عشق تیرے طفیل دنیا کے
طنزیں سنتے ہیں طعنے کھاتے ہیں
بے سبب کیا بگڑنے کا باعث
آپ پرویںؔ کو بھی بناتے ہیں
Waqt par aate hain na jaate hain
Waqt par aate hain na jaate hain
Roz iqraar bhool jaate hain
Woh jo be-wajah muskurate hain
Saikdon wahm dil mein aate hain
Ashk-e-hasrat nikal ke daaman mein
Jaan se haath dhoye aate hain
Jab tum aate nahin ho wa'ada par
Malik-ul-maut ko bulate hain
So gaya bakht jab se ro ro kar
Saare hamsayon ko jagaate hain
Un ko sharm-o-haya nahin aati
Dil chura kar nazar churate hain
Be-khata hai woh aasman mujrim
Is ko ilzaam kyun lagaate hain
Jaan kar ban gaye hain hum bhoole
Chutkiyon mein kise udaate hain
Tere koocha mein hum bhi ab thak kar
Dil ke maanind baithe jaate hain
Ghair kya aur us ki hasti kya
Aap kyun muft khauf khaate hain
Koi taza sitam kiya ijaad
Dekh kar woh jo muskurate hain
Aag paani mein kyun lagaate ho
Nek jo log hain bujhaate hain
Tum mere dil mein ho to dekhun main
Hoor-o-ghilmaan kahin samaate hain
Main ne poochhi jo wajah-e-qatl, kaha
Thehro dam le ke hum bataate hain
Ishq tere tufail duniya ke
Tanzein sunte hain ta'ane khaate hain
Be-sabab kya bigadne ka ba'is
Aap Parveen ko bhi banaate hain
شاعر کے بارے میں
پروین اُمِّ مشتاق اردو کی معروف شاعرہ تھیں جن کا تخلص پروین تھا، جبکہ کنیت اُمِّ مشتاق اور لقب بڑی بیگم تھا۔ وہ 11 دسمبر 1866ء کو دہلی میں ایک معزز...
مکمل تعارف پڑھیں