آنکھ تر ہو تو نظر آئے نظارہ اس کا — شاہین عباس
شاعر
آنکھ تر ہو تو نظر آئے نظارہ اس کا
آنکھ تر ہو تو نظر آئے نظارہ اس کا
ربط اسی موج میں ممکن ہے ہمارا اس کا
دل سے دل تک اسی خوشبو کا عمل جاری ہے
دل سے دل تک جو علاقہ ہے وہ سارا اس کا
روزن شب سے ہٹاتا ہوں میں پردہ جب بھی
میرا زینہ اتر آتا ہے ستارہ اس کا
کسی لمحے میں رواں موج تپاں ہے اس کی
کسی ساعت میں چمکتا ہے کنارہ اس کا
ہمیں اندازہ ہے اس شخص کی حیرانی کا
ہم جو آئینے میں کرتے ہیں نظارہ اس کا
دیدۂ نم تو اسے نقد نظر ہے گویا
کبھی ہنستا ہے تو بڑھتا ہے خسارہ اس کا
Aankh tar ho to nazar aaye nazzara us ka
Aankh tar ho to nazar aaye nazzara us ka
Rabt isi mauj mein mumkin hai hamara us ka
Dil se dil tak isi khushboo ka amal jaari hai
Dil se dil tak jo ilaaqa hai woh sara us ka
Rozan e shab se haTata hoon main parda jab bhi
Mera zeena utar aata hai sitara us ka
Kisi lamhe mein rawan mauj e tapan hai us ki
Kisi sa'at mein chamakta hai kinara us ka
Hamein andaaza hai us shakhs ki hairani ka
Hum jo aaine mein karte hain nazzara us ka
Didah e nam to use naqd e nazar hai goya
Kabhi hansta hai to baRhta hai khasaara us ka
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں