عشق میں دوہری مشقت کی ہے — شاہین عباس
شاعر
عشق میں دوہری مشقت کی ہے
عشق میں دوہری مشقت کی ہے
حالت ہجر میں ہجرت کی ہے
ایسی ویرانی میں کرتے بھی تو کیا
یہ بھی کچھ کم ہے کہ وحشت کی ہے
بات میری نہیں اے دربدری
بات یہ بار امانت کی ہے
میں کہ منظر میں ہوں منظر کی طرح
یہ بھی اک شکل سکونت کی ہے
پیکر گل کی طلب تھی لیکن
پرتو گل پہ قناعت کی ہے
زخم کی لو پہ اثر رکھتا ہوں
اس دیے نے مری بیعت کی ہے
شاہین عباس
Ishq meñ dohrī mashaqqat kī hai
Ishq meñ dohrī mashaqqat kī hai
Hālat-e-hijr meñ hijrat kī hai
Aisī vīrānī meñ karte bhī to kyā
Yeh bhī kuch kam hai ke vahshat kī hai
Baat merī nahīñ, ae dar-ba-dar
Baat yeh bār-e-amānat kī hai
Maiñ ke manzar meñ hooñ manzar kī tarah
Yeh bhī ik shakl-e-sukūnat kī hai
Paikar-e-gul kī talab thī lekin
Parto-e-gul pe qanā'at kī hai
Zakhm kī lau pe asar rakhtā hooñ
Us diye ne mirī bai'at kī hai
شاعر کے بارے میں
ِشاہیں عباس اردو کے معروف معاصر شعرا میں شمار ہوتے ہیں جنہوں نے اپنی فکری گہرائی، منفرد اسلوب اور سنجیدہ لہجے کے باعث ادبی دنیا میں نمایاں مقام حاص...
مکمل تعارف پڑھیں