گھر سے گھر گزرا گلی میں سے گلی جانے لگی — شاہین عباس
شاعر
گھر سے گھر گزرا گلی میں سے گلی جانے لگی
گھر سے گھر گزرا گلی میں سے گلی جانے لگی
آدمی کی پھر کمی محسوس کی جانے لگی
میں تو جیسے اس کنارے ہی کا ہو کر رہ گیا
تم سے اچھا تو مجھے یہ لہر پی جانے لگی
یہ بچھونا خاک کا یہ اوڑھنی افلاک کی
کم سے کم یہ تو ہوا کروٹ سہی جانے لگی
آخر آخر کتنے سیدھے ہو گئے حد و حساب
جو گھڑی آنے لگی واپس وہی جانے لگی
نسخہ اچھا تھا سو میں بھی کیسا اچھا ہو گیا
گھونٹ گھونٹ اک آنکھ میرا زہر پی جانے لگی
آر پار اب اور کیا اس رات میں کھل کھیلئے
روشنی آنے لگی اور روشنی جانے لگی
Ghar se ghar guzrā galī meñ se galī jāne lagī
Ghar se ghar guzrā galī meñ se galī jāne lagī
Ādmī kī phir kamī mahsoos kī jāne lagī
Maiñ to jaise us kināre hī kā ho kar rah gayā
Tum se achchhā to mujhe yeh lahar pī jāne lagī
Yeh bichhaunā khāk kā, yeh oṛhnī aflāk kī
Kam se kam yeh to huā, karvat sahī jāne lagī
Ākhir ākhir kitne sīdhe ho ga'e hadd-o-hisāb
Jo ghaṛī āne lagī vāpas vahī jāne lagī
Nuskha achchhā thā so maiñ bhī kaisā achchhā ho gayā
Ghoñṭ ghoñṭ ik āñkh merā zahr pī jāne lagī
Ār-pār ab aur kyā is raat meñ khul khīliye
Roshnī āne lagī aur roshnī jāne lagī
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں