دور اس سرحد دل پر بھی اترنا ہو گا — شاہین عباس
شاعر
دور اس سرحد دل پر بھی اترنا ہو گا
دور اس سرحد دل پر بھی اترنا ہو گا
دشت جیسا بھی سہی پار تو کرنا ہو گا
عشق کافی نہیں اندر کی سدا سننے کو
یہ خلا اور کسی طور سے بھرنا ہو گا
جادۂ دل سے وہ سب لوگ تو ہو گزرے ہیں
اس گزر گاہ کو اب خود بھی گزرنا ہو گا
زینۂ خواب سے اتروں گا میں لمحہ لمحہ
اور زینے کو مرے ساتھ اترنا ہو گا
اپنی یہ وضع نہیں تھی مگر اے زخم ہنر
کیا خبر تھی ترا انکار بھی کرنا ہو گا
وقت گزرے چلا جاتا ہے بس اپنی دھن میں
اک صدا آئے گی اور اس کو ٹھہرنا ہو گا
دل کی جانب چلا آتا ہے جو دریائے فراق
ہو نہ ہو آج اسے یاں سے گزرنا ہو گا
Door us sarhad-e-dil par bhī utarnā ho gā
Door us sarhad-e-dil par bhī utarnā ho gā
Dasht jaisā bhī sahī paar to karnā ho gā
Ishq kāfī nahīñ andar kī sadā sun'ne ko
Yeh khalā aur kisī taur se bharnā ho gā
Jāda-e-dil se woh sab log to ho guzre hain
Is guzar-gāh ko ab khud bhī guzarnā ho gā
Zīna-e-khwaab se utarūñgā maiñ lamha lamha
Aur zīne ko mere saath utarnā ho gā
Apnī yeh vaz'a nahīñ thī magar ae zakhm-e-hunar
Kyā khabar thī terā inkār bhī karnā ho gā
Waqt guzre chalā jātā hai bas apnī dhun meñ
Ik sadā ā'e gī aur us ko ṭheharnā ho gā
Dil kī jānib chalā ātā hai jo daryā-e-firāq
Ho na ho aaj use yahāñ se guzarnā ho gā
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں