کچھ روشنی تھی چاروں طرف جو کہ رواں کی — شاہین عباس
شاعر
کچھ روشنی تھی چاروں طرف جو کہ رواں کی
کچھ روشنی تھی چاروں طرف جو کہ رواں کی
پھر یاد نہیں ہم نے تری آگ کہاں کی
دو ایسے دنوں میں سے میں یوں گزرا کہ مجھ پر
کچھ دھوپ یہاں کی پڑی کچھ دھوپ وہاں کی
جاتا ہوں کہ آ جائے گزر جانا مجھے بھی
رفتار بڑھا آتا ہوں خاک گزراں کی
اس پار رصد بھیجتے تھے ہم کھڑے اس پار
آواز یہاں کی کبھی خاموشی یہاں کی
باہر کی بھی ہو جاتی ہے اندر ہی خبر کچھ
تصویر لگا رکھی ہے اک خواب رواں کی
کچھ طے نہیں دونوں میں کہ یاں کون ہے تنہا
تنہائی مکیں کی ہے کہ تنہائی مکاں کی
باتیں ہی مرے منہ کو نہ لگتیں جو لگیں تو
ہر نقل اتار آیا ہوں میں کون و مکاں کی
Kuch roshni thi charon taraf jo ke rawaan ki
Kuch roshni thi chaaron taraf jo ke rawaan ki
Phir yaad nahin humne teri aag kahan ki
Do aise dino mein se main yun guzra ke mujh par
Kuch dhoop yahan ki padi kuch dhoop wahan ki
Jaata hoon ke aa jaye guzar jaana mujhe bhi
Raftaar barha aata hoon khaak-e-guzraan ki
Is paar rasad bhejte thay hum khade us paar
Aawaaz yahan ki kabhi khamoshi yahan ki
Bahar ki bhi ho jaati hai andar hi khabar kuch
Tasveer laga rakhi hai ek khwab-e-rawaan ki
Kuch tai nahin dono mein ke yaan kaun hai tanha
Tanhai makeen ki hai ke tanhai makan ki
Baatein hi mere munh ko na lagteen jo lageen to
Har naql utaar aaya hoon main kaun-o-makaan ki
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں