خوابیدہ ہیں اس لمس میں امکان کچھ ایسے — شاہین عباس
شاعر
خوابیدہ ہیں اس لمس میں امکان کچھ ایسے
خوابیدہ ہیں اس لمس میں امکان کچھ ایسے
میں حرف دگر ہوں مجھے پہچان کچھ ایسے
اس بار سبھی چپ ہیں مجھے روکنے والے
میں سب کو کیے جاتا ہوں حیران کچھ ایسے
یہ جیسے مرے رنگ رواں کی نگراں ہے
ہر آن مرا دھوپ میں ہے دھیان کچھ ایسے
میں جیسے کئی خاک بہ سر خواب سفر ہوں
رستے میں پڑا ہے مرا سامان کچھ ایسے
ہم فرد جنوں کھول کے مشکل میں نہ پڑ جائیں
اس فرد میں کر رکھی ہے میزان کچھ ایسے
آئینوں کے اس کرب میں ہم اپنی کہیں کیا
آئینہ ہے آئینے پہ حیران کچھ ایسے
Khwaabīda haiñ us lams meñ imkān kuch aise
Khwaabīda haiñ us lams meñ imkān kuch aise
Maiñ harf-e-digar hooñ, mujhe pehchān kuch aise
Is baar sabhī chup hain mujhe rokne wāle
Maiñ sab ko kiye jātā hooñ hairāñ kuch aise
Yeh jaise mere rañg-e-ravāñ kī nigrāñ hai
Har aan merā dhoop meñ hai dhyān kuch aise
Maiñ jaise kaī khāk-ba-sar khwaab-e-safar hooñ
Raste meñ paṛā hai merā sāmān kuch aise
Ham fard-e-junooñ khol ke mushkil meñ na paṛ jāyeñ
Is fard meñ kar rakhī hai mīzān kuch aise
Āīnoñ ke is karb meñ ham apnī kaheñ kyā
Āīnā hai āīne pe hairāñ kuch aise
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں