آنکھوں سے یوں چراغوں میں ڈالی ہے روشنی — شاہین عباس
شاعر
آنکھوں سے یوں چراغوں میں ڈالی ہے روشنی
آنکھوں سے یوں چراغوں میں ڈالی ہے روشنی
ہم جیسی چاہتے تھے بنا لی ہے روشنی
دریا غروب ہونے چلا تھا کہ آج رات
غرقاب کشتیوں نے اچھالی ہے روشنی
اپنی نشست چھوڑ کے واں رکھ دیا چراغ
میں نے زمین دے کے بچا لی ہے روشنی
ہاتھوں کا امتحان لیا ساری ساری رات
سانچے میں صبح و شام کے ڈھالی ہے روشنی
میں نے کنار شام گزاری ہے ایک عمر
میں جانتا ہوں ڈوبنے والی ہے روشنی
کیا راکھ گر رہی ہے نظر کی منڈیر سے
خالی دیا ہے اور خیالی ہے روشنی
اس بار تیرے خواب میں رکھا ہے اپنا خواب
اس بار روشنی میں سنبھالی ہے روشنی
Aankhon se yoon charaghon mein daali hai roshni
Aankhon se yoon charaghon mein daali hai roshni
Hum jaisi chahte the bana li hai roshni
Darya ghuroob hone chala tha ke aaj raat
Gharqaab kashtiyon ne uchhaali hai roshni
Apni nishast chhod ke waan rakh diya chiragh
Main ne zameen de ke bacha li hai roshni
Haathon ka imtehaan liya saari saari raat
Saanche mein subh-o-shaam ke dhaali hai roshni
Main ne kinaar-e-shaam guzari hai ek umr
Main jaanta hoon doobne wali hai roshni
Kya raakh gir rahi hai nazar ki mundeer se
Khaali diya hai aur khayaali hai roshni
Is baar tere khwab mein rakha hai apna khwab
Is baar roshni mein sambhaali hai roshni
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں