اے مرے ہم کنار جسم چل مجھے بے کنار کر — شاہین عباس
شاعر
اے مرے ہم کنار جسم چل مجھے بے کنار کر
اے مرے ہم کنار جسم چل مجھے بے کنار کر
میں تجھے مشتہر کروں تو مرا اشتہار کر
دونوں کو یاد تو رہے بیٹھے ہیں آر پار ہم
بیچ کے اس چراغ کو دیکھ تو لیں پکار کر
پانی یہاں سے چل دیا تجھ کو پکارتے ہوئے
بیٹھا اب اپنے حوض پر پانی کا انتظار کر
جسم سے غم نکل گیا کپڑوں کا دم نکل گیا
اور مجھے رہائی دے اور مرا شکار کر
ہجر کے ہاتھ کھل کے دیکھ وصل کے ساتھ مل کے دیکھ
ایک سے اختیار مانگ ایک کو اختیار کر
رات بچی نہ دن بچے وقت بہت سا بچ گیا
وعدے کی رات کاٹ کر وعدے کا دن گزار کر
شہر میں داخلے کی شرط جسم نہیں تھا روح تھی
جسم کا جسم رکھ دیا سر سے کہیں اتار کر
خاک بھی جم گئی مری راکھ بھی تھم گئی مری
لوٹوں گا آج دیر سے تھوڑا سا انتظار کر
Ae mere ham-kinār jism chal, mujhe be-kinār kar
Ae mere ham-kinār jism chal, mujhe be-kinār kar
Main tujhe mush'tahir karun, tu merā ishtihaar kar
Donoñ ko yaad to rahe, baithe hain aar-paar ham
Beech ke us charāgh ko dekh to lein pukār kar
Paani yahāñ se chal diyā tujh ko pukārte hue
Baiṭhā ab apne hauz par paani kā intizār kar
Jism se gham nikal gayā, kapdoñ kā dam nikal gayā
Aur mujhe rihāī de, aur merā shikār kar
Hijr ke haath khul ke dekh, vasl ke saath mil ke dekh
Ek se ikhtiyār māñg, ek ko ikhtiyār kar
Raat bachi na din bache, waqt bahut sā bach gayā
Waade kī raat kāṭ kar, waade kā din guzār kar
Shahr meñ dakhle kī shart jism nahīñ thā rooh thī
Jism kā jism rakh diyā sar se kahīñ utār kar
Khaak bhī jam gaī miri, raakh bhī tham gaī miri
Lauṭūñgā aaj der se, thoṛā sā intizār kar
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں