اگر اس کوہ ندا پر سے اشارہ ہو جائے — شاہین عباس
شاعر
اگر اس کوہ ندا پر سے اشارہ ہو جائے
اگر اس کوہ ندا پر سے اشارہ ہو جائے
عمر چپ چاپ بھی گزرے تو گزارہ ہو جائے
مجھ میں آباد کئی ایک ستارے ہیں تو کیا
مجھ سے آباد کوئی ایک ستارہ ہو جائے
شجر جاں سے اڑا کر میں جنہیں بھول گیا
ان پرندے سے اگر ربط دوبارہ ہو جائے
کسے معلوم اسی درد کی رفتار کے ساتھ
دل پھر اک جست بھرے اور تمہارا ہو جائے
کشتیاں موج بہ موج آتی رہیں جاتی رہیں
ایسا آباد مرے دل کا کنارہ ہو جائے
روز و شب اپنے ہیں جس شخص کے وقت اپنا ہے
کیسے ممکن وہ کسی شام ہمارا ہو جائے
Agar is koh-e-nidā par se ishāra ho jā'e
Agar is koh-e-nidā par se ishāra ho jā'e
Umr chup chāp bhī guzre to guzārā ho jā'e
Mujh mein ābād ka'ī ek sitāre haiñ to kyā
Mujh se ābād koī ek sitāra ho jā'e
Shajar-e-jāñ se uṛā kar maiñ jinheñ bhool gayā
Un parinde se agar rabt dobāra ho jā'e
Kise maʿlūm isī dard kī raftār ke sāth
Dil phir ik just bhare aur tumhārā ho jā'e
Kashtiyāñ mauj ba mauj ātī rahīñ jātī rahīñ
Aisā ābād mere dil kā kināra ho jā'e
Roz-o-shab apne hī haiñ jis shaḵẖs ke waqt apnā hai
Kaise mumkin vo kisī shām hamārā ho jā'e
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں