ایسا نہیں کہ اس نے بنایا نہیں مجھے — شاہین عباس
شاعر
ایسا نہیں کہ اس نے بنایا نہیں مجھے
ایسا نہیں کہ اس نے بنایا نہیں مجھے
جو زخم اس کو آیا ہے آیا نہیں مجھے
دیوار کو گرا کے اٹھایا بھی میں نے تھا
دیوار نے گرا کے اٹھایا نہیں مجھے
میں خود بھی آ رہا تھا جگہ ڈھونڈتے ہوئے
یاں تک یہ انہدام ہی لایا نہیں مجھے
میرا یہ کام اور کسی کے سپرد ہے
خود خواب دیکھنا ابھی آیا نہیں مجھے
کل نیند میں چراغ کو ناراض کر دیا
سورج نے آج صبح جگایا نہیں مجھے
زنجیر لازمی ہے کہ زنجیر کے بغیر
چلنا زمین پر ابھی آیا نہیں مجھے
شاہین عباس
Aisa nahin ke us ne banaya nahin mujhe
Aisa nahin ke us ne banaya nahin mujhe
Jo zakhm us ko aaya hai aaya nahin mujhe
Deewar ko gira ke uthaya bhi main ne tha
Deewar ne gira ke uthaya nahin mujhe
Main khud bhi aa raha tha jagah dhundhte hue
Yaan tak yeh inhedam hi laya nahin mujhe
Mera yeh kaam aur kisi ke supurd hai
Khud khwab dekhna abhi aaya nahin mujhe
Kal neend mein chiragh ko naraaz kar diya
Sooraj ne aaj subah jagaya nahin mujhe
Zanjeer laazmi hai ke zanjeer ke baghair
Chalna zameen par abhi aaya nahin mujhe
شاعر کے بارے میں
ِشاہیں عباس اردو کے معروف معاصر شعرا میں شمار ہوتے ہیں جنہوں نے اپنی فکری گہرائی، منفرد اسلوب اور سنجیدہ لہجے کے باعث ادبی دنیا میں نمایاں مقام حاص...
مکمل تعارف پڑھیں