اپنی بنیاد ترے دل میں اٹھانا ہے مجھے — شاہین عباس
شاعر
اپنی بنیاد ترے دل میں اٹھانا ہے مجھے
اپنی بنیاد ترے دل میں اٹھانا ہے مجھے
نقش بننے کا نہیں پھر بھی بنانا ہے مجھے
تیری آنکھوں سے یہ اندازہ کہاں ہوتا ہے
آ چکا ہوں تری دنیا میں کہ آنا ہے مجھے
تیرے ہم راہ تو میں یوں ہی چلا آیا تھا
اپنے حصے کی ابھی خاک اڑانا ہے مجھے
یہ جو آواز کی لہر اٹھی ہے ان آنکھوں میں
اب اسی لہر پہ بہتے چلے جانا ہے مجھے
کشتیٔ جاں میں مرے ہم سفروں میں شامل
کتنے دریا ہیں جنہیں پار لگانا ہے مجھے
ڈھلتے ڈھلتے یہ مہ و سال کی صورت میں ڈھلا
اب مرا دل بھی زمانوں سا زمانہ ہے مجھے
میرا وعدہ ہے غبار رہ دل سے شاہینؔ
ابھی اس دھول میں کچھ دن نظر آنا ہے مجھے
Apni bunyad tere dil mein uthana hai mujhe
Apni bunyad tere dil mein uthana hai mujhe
Naqsh banne ka nahin phir bhi banana hai mujhe
Teri aankhon se ye andaza kahan hota hai
Aa chuka hoon teri duniya mein ke aana hai mujhe
Tere hum-rah to main yoon hi chala aaya tha
Apne hisse ki abhi khaak udana hai mujhe
Ye jo aawaz ki lehar uthi hai un aankhon mein
Ab isi lehar pe behte chale jaana hai mujhe
Kashti-e-jaan mein mere hum-safaron mein shamil
Kitne darya hain jinhein paar lagana hai mujhe
Dhalte dhalte ye mah o saal ki surat mein dhala
Ab mera dil bhi zamanon sa zamana hai mujhe
Mera waada hai ghubar-e-rah-e-dil se Shaheen
Abhi is dhool mein kuch din nazar aana hai mujhe
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں