بدن کا کام تھوڑا ہے مگر مہلت زیادہ ہے — شاہین عباس
شاعر
بدن کا کام تھوڑا ہے مگر مہلت زیادہ ہے
بدن کا کام تھوڑا ہے مگر مہلت زیادہ ہے
سو جو غفلت زیادہ تھی وہی غفلت زیادہ ہے
ہمیں اس عالم ہجراں میں بھی رک رک کے چلنا ہے
انہیں جانے دیا جائے جنہیں عجلت زیادہ ہے
نہ جانے کب کسی چلمن کا ہم نقصان کر بیٹھیں
ہمیں چہرا کشائی کی ذرا رخصت زیادہ ہے
کبھی میں خود زیادہ ہوں تن تنہا کی وحدت میں
کبھی میری ضرورت سے مری وحدت زیادہ ہے
تجھے حلقہ بہ حلقہ کھینچتے پھرتے ہیں دنیا میں
سو اے زنجیر پا یوں بھی تری شہرت زیادہ ہے
یہ دل باہر دھڑکتا ہے یہ آنکھ اندر کو کھلتی ہے
ہم ایسے مرحلے میں ہیں جہاں زحمت زیادہ ہے
سو ہم فریادیوں کی ایک اپنی صف الگ سے ہو
ہمارا مسئلہ یہ ہے ہمیں حیرت زیادہ ہے
Badan ka kaam thoda hai magar mohlat zyada hai
Badan ka kaam thoda hai magar mohlat zyada hai
So jo ghaflat zyada thi wohi ghaflat zyada hai
Humein is alam-e-hijraan mein bhi ruk ruk ke chalna hai
Inhein jaane diya jaye jinhein ujlat zyada hai
Na jaane kab kisi chilman ka hum nuqsaan kar baithein
Humein chehra kushayi ki zara rukhsat zyada hai
Kabhi main khud zyada hoon tan tanhai ki wahdat mein
Kabhi meri zaroorat se meri wahdat zyada hai
Tujhe halqa ba halqa khenchte phirte hain duniya mein
So aye zanjeer-e-paa yun bhi teri shohrat zyada hai
Yeh dil bahar dhadakta hai yeh aankh andar ko khulti hai
Hum aise marhale mein hain jahan zehmat zyada hai
So hum faryadiyon ki ek apni saf alag se ho
Hamara masla yeh hai humein hairat zyada hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں