بڑھا دیا ہے محبت نے انتشار مرا — شاہین عباس
شاعر
بڑھا دیا ہے محبت نے انتشار مرا
بڑھا دیا ہے محبت نے انتشار مرا
کسی اکائی میں ہوتا نہیں شمار مرا
میں اپنی روح کا میہماں ہوا ہوں رات کی رات
مرا بدن نہ کرے آج انتظار مرا
یہ میں کہ شام تماشہ کی بھیڑ میں گم ہوں
دیے نے نام پکارا ہے بار بار مرا
تو اپنے اشک تپاں سے مجھے جدا تو نہ جان
خبر نہیں اسی لو پر ہے انحصار مرا
یہ میرا طور کہ خاموش رہنا خوش رہنا
یہ دل کا شور کہ سمجھا نہیں شعار مرا
ملا دیا ہے چراغوں کی سطح سے میں نے
اسی قدر تھا ستاروں پہ اختیار مرا
شاہین عباس
Badha diya hai muhabbat ne intishaar mera
Badha diya hai muhabbat ne intishaar mera
Kisi ikai mein hota nahin shumar mera
Mein apni rooh ka mehmaan hua hoon raat ki raat
Mera badan na kare aaj intezar mera
Yeh mein ke shaam-e-tamasha ki bheed mein gum hoon
Diye ne naam pukara hai baar baar mera
Tu apne ashk-e-tapan se mujhe juda to na jaan
Khabar nahin isi lau par hai inhisar mera
Yeh mera taur ke khamosh rahna khush rahna
Yeh dil ka shor ke samjha nahin sha'ar mera
Mila diya hai charaghon ki satah se mein ne
Isi qadar tha sitaron pe ikhtiyar mera
شاعر کے بارے میں
ِشاہیں عباس اردو کے معروف معاصر شعرا میں شمار ہوتے ہیں جنہوں نے اپنی فکری گہرائی، منفرد اسلوب اور سنجیدہ لہجے کے باعث ادبی دنیا میں نمایاں مقام حاص...
مکمل تعارف پڑھیں