بولتے بولتے جب صرف زباں رہ گئے ہم — شاہین عباس
شاعر
بولتے بولتے جب صرف زباں رہ گئے ہم
بولتے بولتے جب صرف زباں رہ گئے ہم
تب اشارے سے بتایا کہ کہاں رہ گئے ہم
ہمیں اتنی بڑی دنیا کا پتہ تھوڑی تھا
جہاں ہم تم ہوا کرتے تھے وہاں رہ گئے ہم
ہم مکاں بھی تھے مکیں بھی تھے کہ بازار تھا گرم
پھر خسارہ ہوا اور صرف مکاں رہ گئے ہم
دیر تک خالی مکاں خالی نہیں چھوڑتے ہیں
آپ تب تھے ہی نہیں آپ کے ہاں رہ گئے ہم
گھر ہی ایسا تھا یہ کچھ دوہری مسہری والا
اپنا رہنے کے علاوہ بھی یہاں رہ گئے ہم
ایک آواز کے دو حصے ہوئے ٹھیک ہوا
تم وہاں رہ گئے خاموش یہاں رہ گئے ہم
پاؤں درزوں میں ٹکائے ہوئے سر رخنوں میں
اس نہاں خانے میں رہ رہ کے عیاں رہ گئے ہم
Bolte bolte jab sirf zabaan reh gaye hum
Bolte bolte jab sirf zabaan reh gaye hum
Tab ishaare se bataya ke kahan reh gaye hum
Hamein itni badi duniya ka pata thodi tha
Jahan hum tum hua karte the wahan reh gaye hum
Hum makaan bhi the makeen bhi the ke bazaar tha garam
Phir khasaara hua aur sirf makaan reh gaye hum
Der tak khaali makaan khaali nahin chhodte hain
Aap tab the hi nahin aap ke haan reh gaye hum
Ghar hi aisa tha yeh kuch dohri masheri wala
Apna rehne ke ilawa bhi yahan reh gaye hum
Ek awaaz ke do hisse hue theek hua
Tum wahan reh gaye khamosh yahan reh gaye hum
Paon darzon mein tikaaye hue sar rakhnon mein
Is nihan-khaane mein reh reh ke ayan reh gaye hum
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں