بجھتے ہوئے چراغ پہ ڈالی ہے روشنی — شاہین عباس
شاعر
بجھتے ہوئے چراغ پہ ڈالی ہے روشنی
بجھتے ہوئے چراغ پہ ڈالی ہے روشنی
بنتی نہیں تھی اور بنا لی ہے روشنی
دریا غروب ہونے چلا تھا کہ آج رات
غرقاب کشتیوں نے اچھالی ہے روشنی
اپنی نشست چھوڑ کے واں رکھ دیا چراغ
میں نے زمین دے کے بچا لی ہے روشنی
میں نے کنار شام گزاری ہے ایک عمر
میں جانتا ہوں ڈوبنے والی ہے روشنی
کیا راکھ گر رہی ہے نظر کی منڈیر سے
خالی دیا ہے اور خیالی ہے روشنی
اس بار تیرے خواب میں رکھا ہے اپنا خواب
اس بار روشنی میں سنبھالی ہے روشنی
آنکھوں میں جمع کرتے تھے ہم دن بھی رات بھی
اب کیا کریں جو اتنی بڑھا لی ہے روشنی
Bujhte hue charagh pe dali hai roshni
Bujhte hue charagh pe dali hai roshni
Banti nahin thi aur bana li hai roshni
Darya ghuroob hone chala tha ke aaj raat
Gharqab kishtiyon ne uchhali hai roshni
Apni nishast chhod ke vaan rakh diya charagh
Main ne zamin de ke bacha li hai roshni
Main ne kinara-e-sham guzari hai ek umar
Main jaanta hoon doobne wali hai roshni
Kya rakh gir rahi hai nazar ki mandeer se
Khali diya hai aur khayali hai roshni
Is bar tere khwab mein rakha hai apna khwab
Is bar roshni mein sanbhali hai roshni
Aankhon mein jama karte the hum din bhi raat bhi
Ab kya karein jo itni barha li hai roshni
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں