چار سمتوں میں نظر رکھتا ہوں میں چاروں پر — شاہین عباس
شاعر
چار سمتوں میں نظر رکھتا ہوں میں چاروں پر
چار سمتوں میں نظر رکھتا ہوں میں چاروں پر
تیر کب لوٹ کے آئیں گے کماں داروں پر
صبح اٹھے تو قدم کوئلہ تھے اور ہم تھے
نیند میں چلتے رہے ہجر کے انگاروں پر
داستاں میں جہاں اک دائمی دن ہوتا تھا
اب وہاں شام اتر آتی ہے کرداروں پر
نقش عبرت کا سب اسباب اٹھایا خود ہی
ہم نے یہ کام بھی چھوڑا انہیں دیواروں پر
سایہ داری کی روایت بھی کہاں آ پہنچی
موج خوں چھاؤں کئے رکھتی ہے تلواروں پر
اب کھلا خواب میں کچھ خواب ملاتا تھا میں
خاک اڑاتا تھا میں سیاروں کی سیاروں پر
رات کے ٹوٹتے تاروں میں ہمیں رکھا گیا
ہمیں پرکھا گیا گرتے ہوئے معیاروں پر
Chaar simton mein nazar rakhta hoon main charon par
Chaar simton mein nazar rakhta hoon main charon par
Teer kab laut ke aayenge kamaan daaron par
Subah uthe toh qadam koila the aur hum the
Neend mein chalte rahe hijr ke angaaron par
Daastaan mein jahan ik daa'imi din hota tha
Ab wahan shaam utar aati hai kirdaron par
Naqsh-e-ibrat ka sab asbaab uthaya khud hi
Ham ne yeh kaam bhi chhoda unhein deewaron par
Saaya-daari ki riwayat bhi kahan aa pahunchi
Mauj-e-khoon chhaaon kiye rakhti hai talwaron par
Ab khula khwab mein kuch khwab milata tha main
Khaak udata tha main saiyaron ki saiyaron par
Raat ke toot-te taaron mein hamein rakha gaya
Hamein parkha gaya girte hue miyaron par
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں