در بنا بیٹھا ہوں دیوار بنا بیٹھا ہوں — شاہین عباس
شاعر
در بنا بیٹھا ہوں دیوار بنا بیٹھا ہوں
در بنا بیٹھا ہوں دیوار بنا بیٹھا ہوں
اور سمجھتا ہوں کہ گھر بار بنا بیٹھا ہوں
اٹھتا جاتا ہے ستارے پہ ستارہ اور میں
وہی بے دار کا بے دار بنا بیٹھا ہوں
کس ملاقات کی تیاری ہے اور کب سے ہے
کچھ گرفتار گرفتار بنا بیٹھا ہوں
کہیں شعلہ ہی رکا ہے نہ کہیں راکھ مری
میں یہ سب منزلیں بے کار بنا بیٹھا ہوں
ٹوٹ جاتا ہے یہ لمحہ اسے جیسے بھی بناؤں
بیٹھتے اٹھتے کئی بار بنا بیٹھا ہوں
خود کو بھگتایا ہے اک شخص کو نمٹایا ہے
یہ جو انسان سا ناچار بنا بیٹھا ہوں
نہ میں جاتا ہوں یہاں سے نہ میں آتا ہوں یہاں
اس گلی میں عجب آزار بنا بیٹھا ہوں
Dar bana baiTha hoon deewaar bana baiTha hoon
Dar bana baiTha hoon deewaar bana baiTha hoon
Aur samajhta hoon ke ghar baar bana baiTha hoon
Uthta jata hai sitare pe sitara aur main
Wahi be daar ka be daar bana baiTha hoon
Kis mulaqat ki taiyari hai aur kab se hai
Kuchh giraftaar giraftaar bana baiTha hoon
Kahin shola hi ruka hai na kaheen raakh meri
Main yeh sab manzilein bekaar bana baiTha hoon
TooT jata hai yeh lamha use jaise bhi banaoon
BaiThte uThte kai baar bana baiTha hoon
Khud ko bhugtaya hai ik shakhs ko niTaya hai
Yeh jo insaan sa naachar bana baiTha hoon
Na main jata hoon yahan se na main aata hoon yahan
Is gali mein ajab aazaar bana baiTha hoon
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں