در امکاں سے گزر کر سر منظر آ کر — شاہین عباس
شاعر
در امکاں سے گزر کر سر منظر آ کر
در امکاں سے گزر کر سر منظر آ کر
ہم عجب لہر میں ہیں اپنے نئے گھر آ کر
جسے جانا ہی نہیں اپنے کناروں سے جدا
اسے دیکھا بھی نہیں موج سے باہر آ کر
آتش غم پہ نظر کی ہے کچھ ایسے کہ یہ آنچ
بات کر سکتی ہے اب مرے برابر آ کر
تو نے کس حرف کے آہنگ میں ڈھالا تھا مجھے
سانس بھی ٹوٹ رہا ہے سر محضر آ کر
اسے دیکھا تھا خط خواب کے اس پار کبھی
یہ ستارہ جو گرا ہے مرے اندر آ کر
اک صدا کوہ ندا سے کسی اپنے کی صدا
رونے لگ جاتی ہے اس دشت میں اکثر آ کر
شاخ تا شاخ عجب عالم وحشت ہے ابھی
طائر جاں کبھی ٹھہرا تھا مرے گھر آ کر
Dar imkaan se guzar kar sar-e-manzar aa kar
Dar imkaan se guzar kar sar-e-manzar aa kar
Hum ajab lehar mein hain apne naye ghar aa kar
Jise jaana hi nahin apne kinaron se juda
Use dekha bhi nahin mauj se baahar aa kar
Aatish-e-gham pe nazar ki hai kuch aise ke yeh aanch
Baat kar sakti hai ab mere baraabar aa kar
Tu ne kis harf ke aahang mein dhaala tha mujhe
Saans bhi toot raha hai sar-e-mehzar aa kar
Use dekha tha khat-e-khwab ke us paar kabhi
Yeh sitara jo gira hai mere andar aa kar
Ek sada koh-e-nida se kisi apne ki sada
Rone lag jaati hai us dasht mein aksar aa kar
Shaakh ta shaakh ajab aalam-e-wahshat hai abhi
Taair-e-jaan kabhi thehra tha mere ghar aa kar
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں