درد کی دھوپ میں آ بیٹھیں تو جانا ہی نہ ہو — شاہین عباس
شاعر
درد کی دھوپ میں آ بیٹھیں تو جانا ہی نہ ہو
درد کی دھوپ میں آ بیٹھیں تو جانا ہی نہ ہو
جو بھی موسم ہو یہ ملبوس پرانا ہی نہ ہو
یہ دیا دست دعا ہی کا نہ ہو پیمانہ
یہ ستارہ مری تسبیح کا دانہ ہی نہ ہو
یوں نہ ہو خیمہ گہ خواب بلاتی رہ جائے
اور اس خیمے میں اپنا کبھی آنا ہی نہ ہو
اپنی آنکھوں کی عمل داری میں رہنے دے مجھے
یہ ٹھکانہ مرے ہونے کا بہانہ ہی نہ ہو
قید اٹھا کر بھی کبھی طاق طلب دیکھئے گا
ان چراغوں کو یہ گھر چھوڑ کے جانا ہی نہ ہو
رخصت دوست کی ساعت بھی ہے تسلیم مگر
اسی ساعت میں مرا سارا زمانہ ہی نہ ہو
پردہ اس دل پہ پڑا رہنے دو خاموشی کا
یہ کہیں اپنی حقیقت میں فسانہ ہی نہ ہو
Dard ki dhoop mein aa baithen to jaana hi na ho
Dard ki dhoop mein aa baithen to jaana hi na ho
Jo bhi mausam ho yeh malboos purana hi na ho
Yeh diya dast-e-dua hi ka na ho paimana
Yeh sitara meri tasbeeh ka dana hi na ho
Yun na ho khaima-gah-e-khwab bulati rah jaye
Aur is khaime mein apna kabhi aana hi na ho
Apni aankhon ki amal-daari mein rahne de mujhe
Yeh thikana mere hone ka bahana hi na ho
Qaid utha kar bhi kabhi taaq-e-talab dekhiyega
In charaghon ko yeh ghar chhod ke jaana hi na ho
Rukhsat-e-dost ki sa'at bhi hai tasleem magar
Isi sa'at mein mera sara zamana hi na ho
Parda is dil pe pada rahne do khamoshi ka
Yeh kahin apni haqeeqat mein fasana hi na ho
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں