دشت نادیدہ سے پھر ربط بڑھانے لگے ہم — شاہین عباس
شاعر
دشت نادیدہ سے پھر ربط بڑھانے لگے ہم
دشت نادیدہ سے پھر ربط بڑھانے لگے ہم
دل ہی دل میں سہی کچھ خاک اڑانے لگے ہم
پہر دو پہر کو وہ عشق تھا اک عمر کا عشق
آئنہ دیکھا تو کچھ اتنے پرانے لگے ہم
کہیں زنجیر کا یہ حلقہ اضافی ہی نہ ہو
دیکھ اس خواب سے آگے نظر آنے لگے ہم
مسئلہ باغ محبت کا وہ پہلا سا نہیں
گل کھلانے کی جو تھی شرط اٹھانے لگے ہم
بہتے بہتے انہیں آنکھوں میں کہیں ڈوب گئے
چلئے اچھا ہے کسی طور ٹھکانے لگے ہم
بات تصویر نے کہہ دی کہ جو مطلب کی نہ تھی
یک بہ یک منظر جاں چھوڑ کے جانے لگے ہم
Dasht-e-na-deedah se phir rabt badhane lage hum
Dasht-e-na-deedah se phir rabt badhane lage hum
Dil hi dil mein sahi kuchh khaak udane lage hum
Pahar do pahar ko woh ishq tha ek umar ka ishq
Aaina dekha to kuchh itne purane lage hum
Kahin zanjeer ka yeh halqa izaafi hi na ho
Dekh is khwab se aage nazar aane lage hum
Masla baagh-e-mohabbat ka woh pehla sa nahin
Gul khilane ki jo thi shart uthane lage hum
Behte behte inhein aankhon mein kahin doob gaye
Chaliye achha hai kisi taur thikane lage hum
Baat tasveer ne keh di ke jo matlab ki na thi
Yak ba yak manzar-e-jaan chhod ke jaane lage hum
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں