دیکھنا ہے کب زمیں کو خالی کر جاتا ہے دن — شاہین عباس
شاعر
دیکھنا ہے کب زمیں کو خالی کر جاتا ہے دن
دیکھنا ہے کب زمیں کو خالی کر جاتا ہے دن
اس قدر آتا نہیں ہے جس قدر جاتا ہے دن
منتشر چلیے کہ یوں بازار بھر جاتا تو ہے
مشتہر کیجے کہ پھر اچھا گزر جاتا ہے دن
جب ذرا رد و بدل ہوتا ہے اس تعمیر میں
باہر آ جاتی ہے رات اندر اتر جاتا ہے دن
دن کی اپنی مستقل کوئی نہیں تاریخ درد
زخم پر جاتا تھا اور اب داغ پر جاتا ہے دن
اچھی گنجائش نکل آتی ہے شام اور شور کی
جب کھنکتے خالی انسانوں سے بھر جاتا ہے دن
جاتے جاتے چھوڑ جاتا ہے مرے دل پر لکیر
دو اندھیروں میں مجھے تقسیم کر جاتا ہے دن
Dekhna hai kab zameen ko khaali kar jaata hai din
Dekhna hai kab zameen ko khaali kar jaata hai din
Iss qadar aata nahin hai jis qadar jaata hai din
Muntashir chaliye ke yun bazaar bhar jaata toh hai
Mushtar keejiye ke phir achha guzar jaata hai din
Jab zara radd-o-badal hota hai iss ta'ameer mein
Bahar aa jaati hai raat andar utar jaata hai din
Din ki apni mustaqil koi nahin tareekh-e-dard
Zakhm par jaata tha aur ab daagh par jaata hai din
Achhi gunjaish nikal aati hai shaam aur shor ki
Jab khankate khaali insaanon se bhar jaata hai din
Jaate jaate chhod jaata hai mere dil par lakeer
Do andheron mein mujhe taqseem kar jaata hai din
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں