دل ملیں بھی تو یہی ملنے کی صورت رہے گی — شاہین عباس
شاعر
دل ملیں بھی تو یہی ملنے کی صورت رہے گی
دل ملیں بھی تو یہی ملنے کی صورت رہے گی
ایک خلوت میں مخل دوسری خلوت رہے گی
اگر اس پار سے آوازیں مرے ساتھ نہ آئیں
مجھے اس پار اترنے میں سہولت رہے گی
شجر جاں سے بس اک بار اڑانے کی ہے دیر
ان پرندوں کو کہاں میری ضرورت رہے گی
اک تسلسل سے میں لو دیتا رہوں گا دن رات
روشنی مجھ سے عبارت ہے عبارت رہے گی
جب تک آتا نہیں خاموش سفر سے واپس
میری آواز ترے پاس امانت رہے گی
کیسی خاموشی سے آواز دروں ٹوٹ گئی
میں سمجھتا تھا یہ زنجیر سلامت رہے گی
مجھے آ لے کہ مری حد نظر کو جا لے
ایک شخص ایسا ہے جس کو یہ رعایت رہے گی
Dil milein bhi to yehi milne ki surat rahe gi
Dil milein bhi to yehi milne ki surat rahe gi
Ek khalwat mein mukhal doosri khalwat rahe gi
Agar us paar se aawazein mere saath na aayen
Mujhe us paar utarne mein sahoolat rahe gi
Shajar-e-jaan se bas ek baar udaane ki hai der
Un parindon ko kahan meri zaroorat rahe gi
Ik tasalsul se main lau deta rahoon ga din raat
Roshni mujh se ibarat hai ibarat rahe gi
Jab tak aata nahin khamosh safar se wapas
Meri aawaz tere paas amanat rahe gi
Kaisi khamoshi se aawaz-e-daroon toot gayi
Main samajhta tha ye zanjeer salamat rahe gi
Mujhe aa le ke meri had-e-nazar ko ja le
Ek shakhs aisa hai jis ko ye ri'ayat rahe gi
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں