دن بھر کے بعد چلئے تو کچھ دیر گھر کو بھی — شاہین عباس
شاعر
دن بھر کے بعد چلئے تو کچھ دیر گھر کو بھی
دن بھر کے بعد چلئے تو کچھ دیر گھر کو بھی
آرام کرنے دیجے گرد سفر کو بھی
کار رفو نے مجھ کو کہیں کا نہیں رکھا
افسوس سی چکا ہوں میں زخم ہنر کو بھی
گو سر بسر ندا ہی ندا ہے مگر یہ دل
مخبر کو بھی سنبھالے ہوئے ہے خبر کو بھی
حلقہ بڑھا رہا ہوں کچھ اپنے ہی خواب کا
آباد کر رہا ہوں میں تیری نظر کو بھی
کچھ یوں بھی رنگ لایا میں رنگوں کی اوٹ میں
مجھ سے حجاب آیا مرے نقش گر کو بھی
یہ دیکھ میرا در مری دیوار میرے طاق
میں گھر ہی جانتا ہوں تری رہ گزر کو بھی
گو ابتدائے وقت سے پہلے کا فرد ہوں
دریافت کر چکا ہوں میں شام و سحر کو بھی
Din bhar ke baad chaliye to kuch der ghar ko bhi
Din bhar ke baad chaliye to kuch der ghar ko bhi
Aaram karne dijiye gard-e-safar ko bhi
Kar-e-rafu ne mujh ko kahin ka nahin rakha
Afsoos si chuka hoon mein zakhm-e-hunar ko bhi
Go sar-ba-sar nida hi nida hai magar yeh dil
Mukhbir ko bhi sambhale hue hai khabar ko bhi
Halqa badha raha hoon kuch apne hi khwab ka
Aabad kar raha hoon mein teri nazar ko bhi
Kuchh yun bhi rang laya mein rangon ki oat mein
Mujh se hijab aaya mere naqsh-gar ko bhi
Yeh dekh mera dar meri deewar mere taaq
Mein ghar hi jaanta hoon teri rah-guzar ko bhi
Go ibteda-e-waqt se pehle ka fard hoon
Daryaft kar chuka hoon mein shaam-o-sahar ko bhi
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں