ڈوب کر ابھرے ہیں کس زخم کی گہرائی میں ہم — شاہین عباس
شاعر
ڈوب کر ابھرے ہیں کس زخم کی گہرائی میں ہم
ڈوب کر ابھرے ہیں کس زخم کی گہرائی میں ہم
کوئی ثانی ہی نہیں رکھتے خود آرائی میں ہم
یہ مصور کا تقاضہ تھا کہ تصویر کا تھا
نظر آتے رہے آئینۂ تنہائی میں ہم
منزل جاں کو ہٹاؤ اسے رستے میں نہ لاؤ
ابھی مصروف ہیں کچھ سلسلہ پیمائی میں ہم
یہ چراغ اور یہ خواب آنکھ کا حصہ تو نہ تھے
پھر بھی ذم کرتے چلے جاتے ہیں بینائی میں ہم
ہاتھ قرطاس پہ اٹھتے ہیں تو گرد اڑتی ہے
کہاں آ نکلے ہیں اس حاشیہ آرائی میں ہم
اشک اندر کبھی دیکھا بھی ہے پیدا ہوتے
آ تجھے لے چلیں اس موج کی گہرائی میں ہم
Doob kar ubhre haiñ kis zaḳhm kī gahrāī meñ ham
Doob kar ubhre haiñ kis zaḳhm kī gahrāī meñ ham
Koī saanī hī nahīñ rakhte ḳhud-ārā.ī meñ ham
Ye musavvir kā taqāzā thā ki tasvīr kā thā
Nazar aate rahe aa.īna-tanhā.ī meñ ham
Manzil-e-jaa.n ko haTāo use raste meñ na lao
Abhī masrūf haiñ kuchh silsila-paimā.ī meñ ham
Ye charāġh aur ye ḳhvāb aa.nkh kā hissa to na the
Phir bhī zam karte chale jaate haiñ bīnā.ī meñ ham
Haath qirtās pe uThte haiñ to gard uḌtī hai
Kahāñ aa nikle haiñ is hāshiya-ārā.ī meñ ham
Ashk andar kabhī dekhā bhī hai paidā hote
Aa tujhe le chaleñ us mauj kī gahrā.ī meñ ham
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں