دعا ہم زاد ہو سکتی دیا ہم راز ہو سکتا — شاہین عباس
شاعر
دعا ہم زاد ہو سکتی دیا ہم راز ہو سکتا
دعا ہم زاد ہو سکتی دیا ہم راز ہو سکتا
میں ویرانی پہ اتنا تو اثر انداز ہو سکتا
یہ میری خامشی اس انتہا کی خامشی ہوتی
کسی بھی شام کا میں نقطۂ آغاز ہو سکتا
میں بیتابانہ ان گلیوں میں پھرتا یہ مرا حق تھا
مری دستک پہ شہر خواب کا در باز ہو سکتا
یہ دن اور رات کس جانب اڑے جاتے ہیں صدیوں سے
کہیں رکتے تو میں بھی شامل پرواز ہو سکتا
کم از کم خاک و خوں کی گم شدہ کڑیاں ہی مل جاتیں
سر دنیا یہ دل اتنا تو در انداز ہو سکتا
Dua hamzaad ho sakti diya hamraaz ho sakta
Dua hamzaad ho sakti diya hamraaz ho sakta
Main veerani pe itna to asar andaaz ho sakta
Yeh meri khamoshi us inteha ki khamoshi hoti
Kisi bhi shaam ka main nuqta-e-aghaz ho sakta
Main betaabana un galiyon mein phirta yeh mira haq tha
Meri dastak pe shehr-e-khwab ka dar baaz ho sakta
Yeh din aur raat kis jaanib ude jaate hain sadiyon se
Kahin rukte to main bhi shaamil-e-parwaaz ho sakta
Kam az kam khaak-o-khoon ki gumshuda kadiyan hi mil jaatin
Sar-e-duniya yeh dil itna to dar andaaz ho sakta
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں