گھر گھر ہمیں قیام بھی آئے سفر بھی آئے — شاہین عباس
شاعر
گھر گھر ہمیں قیام بھی آئے سفر بھی آئے
گھر گھر ہمیں قیام بھی آئے سفر بھی آئے
ہم شام شام کرتے تھے اور شام کر بھی آئے
ایسا تو ہے کہ گھر کو چلا گھر بھی چل پڑا
ایسا بھی کیا کہ گھر کو چلوں اور گھر بھی آئے
تیار رہنا چاہیئے اے خاک خال خال
جھونکا ادھر سے چل پڑا شاید ادھر بھی آئے
دیوار سے عذاب ٹلا کیا پتہ چلا
ایک اشتہار خالی کیا ایک بھر بھی آئے
پھر دیر ہو رہی تھی میں آ کے نکل گیا
کچھ دور تک تو ساتھ مرے خیر و شر بھی آئے
تاریخ جانتے ہیں مگر مانتے نہیں
ہم جب سے دیکھتے ہیں وہ تب سے نظر بھی آئے
Ghar ghar humein qayam bhi aaye safar bhi aaye
Ghar ghar humein qayam bhi aaye safar bhi aaye
Hum shaam shaam karte the aur shaam kar bhi aaye
Aisa to hai ke ghar ko chala ghar bhi chal pada
Aisa bhi kya ke ghar ko chalun aur ghar bhi aaye
Taiyyar rehna chahiye ay khaak khāl khāl
Jhonka idhar se chal pada shayad udhar bhi aaye
Deewar se azaab tala kya pata chala
Ek ishtihaar khaali kiya ek bhar bhi aaye
Phir der ho rahi thi main aa ke nikal gaya
Kuchh door tak to saath mere khair-o-shar bhi aaye
Tareekh jaante hain magar maante nahin
Hum jab se dekhte hain woh tab se nazar bhi aaye
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں