ہر نفس جلتا چلا جائے پگھلتا چلا جائے — شاہین عباس
شاعر
ہر نفس جلتا چلا جائے پگھلتا چلا جائے
ہر نفس جلتا چلا جائے پگھلتا چلا جائے
قافلہ دل کا تری اوٹ میں چلتا چلا جائے
روشنی پیش نظر ہو مگر اتنی بھی نہ ہو
آدمی آگ کے سانچے میں ہی ڈھلتا چلا جائے
زخم تنہائی برا یوں بھی نہیں ہے لیکن
اور اچھا ہے اگر پھولتا پھلتا چلا جائے
اب ذرا کار محبت سے مفر کوئی گھڑی
آخر اس موج میں کب تک کوئی چلتا چلا جائے
تری پلکوں کی منڈیروں سے اترتی ہوئی دھوپ
دن برابر مرے اندر کہیں ڈھلتا چلا جائے
زخم بھر جانے کو ہے اور یہ موڑ ایسا ہے
جہاں کردار کہانی سے نکلتا چلا جائے
دل کسی اور ٹھکانے کا دیا ہے شاہینؔ
یہ کسی اور زمانے میں نہ جلتا چلا جائے
Har nafas jalta chala jaae pighalta chala jaae
Har nafas jalta chala jaae pighalta chala jaae
Qāfila dil kā tirī oṭ mein chalta chala jaae
Roshnī pesh-e-nazar ho magar itnī bhī na ho
Ādamī aag ke sāñche mein hī ḍhalta chala jaae
Zakhm-e-tanhāī burā yūñ bhī nahīñ hai lekin
Aur achcha hai agar phoolta phalta chala jaae
Ab zarā kār-e-mohabbat se mufar koī ghaṛī
Āḵẖir is mauj mein kab tak koī chalta chala jaae
Tirī palkoñ kī muṇḍeroñ se utartī huī dhūp
Din barābar mere andar kahīñ ḍhalta chala jaae
Zakhm bhar jaane ko hai aur ye moṛ aisā hai
Jahāñ kirdaar kahānī se nikaltā chala jaae
Dil kisī aur ṭhikāne kā diyā hai Shāheenؔ
Ye kisī aur zamāne mein na jalta chala jaae
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں