ہم رہ گئے ہمارا خلل کیوں نہیں رہا — شاہین عباس
شاعر
ہم رہ گئے ہمارا خلل کیوں نہیں رہا
ہم رہ گئے ہمارا خلل کیوں نہیں رہا
مشکل کا ایک حل تھا وہ حل کیوں نہیں رہا
مڑ مڑ کے دیکھتا ہوں وہیں کا وہیں غبار
میں چل رہا ہوں راستہ چل کیوں نہیں رہا
موضوع کو بدلتا ہوں صفحے الٹتا ہوں
مضمون کیا بتاؤں بدل کیوں نہیں رہا
میرے اور اس کے بیچ شب آخریں کا داغ
اک آخری چراغ ہے جل کیوں نہیں رہا
میں نے کہا خدا سے خدا نے کہا مجھے
گھر سے کوئی گلی میں نکل کیوں نہیں رہا
Hum reh gaye hamara khalal kyon nahin raha
Hum reh gaye hamara khalal kyon nahin raha
Mushkil ka ek hal tha woh hal kyon nahin raha
Mud mud ke dekhta hoon wahin ka wahin ghubaar
Main chal raha hoon raasta chal kyon nahin raha
Mauzoo ko badalta hoon safhe ultaata hoon
Mazmoon kya bataun badal kyon nahin raha
Mere aur us ke beech shab-e-aakhireen ka daagh
Ik aakhiri chiragh hai jal kyon nahin raha
Main ne kaha Khuda se Khuda ne kaha mujhe
Ghar se koi gali mein nikal kyon nahin raha
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں