اک یہی خواب گزشتہ کی نشانی رہ گئی — شاہین عباس
شاعر
اک یہی خواب گزشتہ کی نشانی رہ گئی
اک یہی خواب گزشتہ کی نشانی رہ گئی
دل بہ دل دیکھیں تو کیسی بے زبانی رہ گئی
دن ڈھلے سب کشتیاں اوجھل ہوئیں آنکھوں سے اور
دیکھتے رہنے کو دریا کی روانی رہ گئی
میرا رخ ہے ہر قدم ان دیکھے دروازوں کی سمت
میرے حصے میں یہ کیا نقل مکانی رہ گئی
جیسے کوئی خواب رکھا رہ گیا آنکھوں کے پاس
جیسے بے آباد دل کی بیکرانی رہ گئی
ہاں قبائے جاں بدلنے سے بھی دن بدلے نہیں
ہاں نئے کپڑوں میں بھی خوشبو پرانی رہ گئی
انجم و مہتاب اپنا قصہ لے بیٹھے تھے رات
اور پھر ایسا ہوا میری کہانی رہ گئی
Ik yahī ḵẖwāb guzashta kī nishānī rah ga'ī
Ik yahī ḵẖwāb guzashta kī nishānī rah ga'ī
Dil ba dil dekheñ to kaisī be-zabānī rah ga'ī
Din ḍhale sab kashtiyāñ ojhal huīñ āñkhoñ se aur
Dekhte rahne ko daryā kī ravānī rah ga'ī
Merā ruḵẖ hai har qadam un dekhe darvāzoñ kī simt
Mere hisse mein ye kyā naql-e-makānī rah ga'ī
Jaise koī ḵẖwāb rakhā rah gayā āñkhoñ ke paas
Jaise be-ābād dil kī be-kirānī rah ga'ī
Hāñ qabā-e-jāñ badalne se bhī din badle nahīñ
Hāñ na'e kapṛoñ mein bhī ḵẖushbū purānī rah ga'ī
Anjum-o-mahtāb apnā qissa le baiṭhe the raat
Aur phir aisā huā merī kahānī rah ga'ī
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں