اس گلی میں کچھ نہیں بس گھٹتا بڑھتا شور ہے — شاہین عباس
شاعر
اس گلی میں کچھ نہیں بس گھٹتا بڑھتا شور ہے
اس گلی میں کچھ نہیں بس گھٹتا بڑھتا شور ہے
اک مکیں کی خامشی ہے اک مکاں کا شور ہے
شام شور انگیز یہ سب کیا ہے بے حد و حساب
اتنی آوازیں نہیں دنیا میں جتنا شور ہے
ایک مضموں ہے پر آپس میں سبق ملتا نہیں
اپنی اپنی خامشی ہے اپنا اپنا شور ہے
نقل کرتی ہے مرے چلتے میں ویرانی مری
یہ جو میرے شور پا سے ملتا جلتا شور ہے
میں یہ کیا یکتائے ہنگامہ ہوں اپنے چار سو
کیا اکیلی ہا و ہو ہے کیسا تنہا شور ہے
خالی دل پھر خالی دل ہے خالی گھر کی بھی نہ پوچھ
اچھے خاصے لوگ ہیں اور اچھا خاصا شور ہے
سامنے کی یاد جڑتی ہے بہت پیچھے کہیں
سب عقب سے آ رہا ہے آگے جتنا شور ہے
Is gali mein kuch nahin bas ghatta barhta shor hai
Is gali mein kuch nahin bas ghatta barhta shor hai
Ek makin ki khamushi hai ek makan ka shor hai
Sham shor angez ye sab kya hai behad o hisab
Itni aawazen nahin duniya mein jitna shor hai
Ek mazmun hai par aapas mein sabaq milta nahin
Apni apni khamushi hai apna apna shor hai
Naqal karti hai mire chalte mein veerani miri
Ye jo mere shor-e-pa se milta julta shor hai
Main ye kya yakta-e-hangama hoon apne char su
Kya akeli ha o hu hai kaisa tanha shor hai
Khali dil phir khali dil hai khali ghar ki bhi na pooch
Achhe khase log hain aur achha khasa shor hai
Samne ki yaad judti hai bahut pichhe kahin
Sab aqab se aa raha hai aage jitna shor hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں