اس شام کے مٹ جائیں گے آثار کسی دن — شاہین عباس
شاعر
اس شام کے مٹ جائیں گے آثار کسی دن
اس شام کے مٹ جائیں گے آثار کسی دن
کچھ خواب کہ ہو جائیں گے بے کار کسی دن
گرتی ہوئی دیوار سے دل ایسے ملا ہے
میں آپ بھی ہو سکتا ہوں مسمار کسی دن
اس پار سے جو پھول مرے ساتھ بہے تھے
اتریں گے مرے ساتھ ہی اس پار کسی دن
خاموش تجھے دیکھ کے خاموش ہوا ہوں
آخر کو تو ہونا تھی یہ تکرار کسی دن
مرضی نہ مری پوچھ کرید اتنا نہ مجھ کو
تجھ سے بھی نہ کر بیٹھوں میں انکار کسی دن
کس شام جدائی نے پکڑ رکھا ہے دل کو
بولیں تو مرے ثابت و سیار کسی دن
رکھنا ہی پڑے گا ہمیں دیوار کا دل بھی
ہو جائیں گے ہم نقش بہ دیوار کسی دن
Is shaam ke miT jaayenge aasaar kisi din
Is shaam ke miT jaayenge aasaar kisi din
Kuchh khwaab ki ho jaayenge bekaar kisi din
Girti hui deewaar se dil aise mila hai
Main aap bhi ho sakta hoon mismaar kisi din
Us paar se jo phool mere saath bahe the
Utrenge mere saath hi us paar kisi din
Khaamosh tujhe dekh ke khaamosh hua hoon
Aakhir ko to hona thi yeh takraar kisi din
Marzi na meri poochh kureed itna na mujh ko
Tujh se bhi na kar baiThoon main inkaar kisi din
Kis shaam judai ne pakad rakha hai dil ko
Bolein to mere saabit o sayyaar kisi din
Rakhna hi padega hamein deewaar ka dil bhi
Ho jaayenge hum naqsh ba deewaar kisi din
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں