عشق ہی عشق مجھ کو مار گیا — شاہین عباس
شاعر
عشق ہی عشق مجھ کو مار گیا
عشق ہی عشق مجھ کو مار گیا
دل مری زندگی گزار گیا
کوئی چپ تھا مرے لیے بھی کہیں
میں صداؤں کے آر پار گیا
آج کے دن کی رخصتی سے لگا
جیسے میرا شریک کار گیا
میں تو اس قافلہ میں تھا ہی نہیں
جو زمیں پر مجھے اتار گیا
میں اسے دل بنا کے اٹھوں گا
گر یہ پتھر مجھے سہار گیا
تیرے ہونے کے انتظار میں ہوں
اپنے ہونے کا انتظار گیا
اب میں دیوار کے حصار میں ہوں
تیری تصویر کا حصار گیا
Ishq hi ishq mujh ko maar gaya
Ishq hi ishq mujh ko maar gaya
Dil miri zindagi guzaar gaya
Koi chup tha mire liye bhi kahin
Main sadaon ke aar paar gaya
Aaj ke din ki rukhsati se laga
Jaise mera shareek-e-kaar gaya
Main to is qaafila mein tha hi nahin
Jo zameen par mujhe utaar gaya
Main use dil bana ke uthhunga
Gar ye patthar mujhe sahaara gaya
Tere hone ke intizaar mein hoon
Apne hone ka intizaar gaya
Ab main deevaar ke hisaar mein hoon
Teri tasveer ka hisaar gaya
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں