عشق نا عشق ہوا ذکر میں کم ہوتے ہوئے — شاہین عباس
شاعر
عشق نا عشق ہوا ذکر میں کم ہوتے ہوئے
عشق نا عشق ہوا ذکر میں کم ہوتے ہوئے
ہم سے کچھ بھی نہ ہوا آنکھ میں نم ہوتے ہوئے
انگلیاں خاک میں اب پھیر رہے ہیں افسوس
بات نمٹا نہ سکے لوح و قلم ہوتے ہوئے
سامنے بیٹھے ہوئے شخص سے کیجے انصاف
آئنہ دیکھیے آئینے میں ضم ہوتے ہوئے
آگے معلوم نہیں راستہ ہے بھی کہ نہیں
روح تک آ تو گئے جسم سے ہم ہوتے ہوئے
صبح تا شام فقط صبر کی حد ناپتا ہوں
روشنی دیکھتا رہتا ہوں میں کم ہوتے ہوئے
جہاں پہنچا نہیں جا سکتا وہاں پہنچے ہیں
اپنے معلوم سے معدوم سے ہم ہوتے ہوئے
Ishq nā ishq huā zikr mein kam hote hue
Ishq nā ishq huā zikr mein kam hote hue
Ham se kuchh bhī na huā āñkh mein nam hote hue
Uñgliyāñ ḵẖāk mein ab pher rahe haiñ afsos
Baat nimṭā na sake lauḥ-o-qalam hote hue
Sāmne baiṭhe hue shaḳhs se kījiye insāf
Ā'īna dekhiye ā'īne mein ẓam hote hue
Āge maʿlūm nahīñ rāsta hai bhī ki nahīñ
Rūḥ tak ā to ga'e jism se ham hote hue
Subḥ tā shām faqaṭ sabr kī had nāpta huuñ
Roshnī dekhtā rahta huuñ maiñ kam hote hue
Jahāñ pahuñchā nahīñ jā saktā vahāñ pahuñche haiñ
Apne maʿlūm se maʿdūm se ham hote hue
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں