کام الجھا ہوا ہو جاتا ہے آسان مرا — شاہین عباس
شاعر
کام الجھا ہوا ہو جاتا ہے آسان مرا
کام الجھا ہوا ہو جاتا ہے آسان مرا
پکڑا جاتا ہے کہیں جاتا ہوا دھیان مرا
جس سمے سر مرا افلاک سے ٹکرایا تھا
خاک پر پاؤں پڑا تھا اسی دوران مرا
تجھ تک آیا ہوں عجب بے سروسامانی میں
راستے میں کہیں بدلا گیا سامان مرا
تیرے بازاروں میں ہوتا ہوں تو یوں ہوتا ہوں
ورنہ اتنا بھی تماشہ نہیں آسان مرا
کچھ بھی ثابت نہیں ہوتا نہ حضوری نہ غیاب
آئے دن آیا ہی رہ جاتا ہے طوفان مرا
دور سینوں سے گزرتی ہوئی مٹی کی لکیر
یہاں قابو میں نہیں خط بیابان مرا
Kaam uljha hua ho jaata hai asaan mera
Kaam uljha hua ho jaata hai asaan mera
Pakda jaata hai kahin jaata hua dhyan mera
Jis samey sar mera aflak se takraya tha
Khaak par paun pada tha isi dauran mera
Tujh tak aaya hoon ajab be-saro-saamani mein
Raaste mein kahin badla gaya samaan mera
Tere bazaaron mein hota hoon to yun hota hoon
Warna itna bhi tamasha nahin asaan mera
Kuchh bhi sabit nahin hota na huzuri na ghayab
Aaye din aaya hi rah jaata hai tufaan mera
Dur sinon se guzarti hui mitti ki lakeer
Yahan qabu mein nahin khatt-e-bayabaan mera
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں