کیسا منظر تھا کہ پس منظر میں رہ جاتا رہا — شاہین عباس
شاعر
کیسا منظر تھا کہ پس منظر میں رہ جاتا رہا
کیسا منظر تھا کہ پس منظر میں رہ جاتا رہا
اندر اندر جانے مجھ کو کون مہکاتا رہا
خاک اڑاتے دشت دل میں تم بھی اوجھل ہو گئے
آخر اس نقش کف پا سے بھی میں جاتا رہا
وہ بھی کیا دن تھے کہ جس جس موج پر پڑتا تھا پاؤں
خود کنارے تک سمندر چھوڑنے آتا رہا
راکھ سچی تھی تبھی تو سر اٹھا کر چل پڑی
شعلہ جھوٹا تھا دلوں کے بیچ بل کھاتا رہا
ہر زمانہ میں رہی اپنے زمانہ کی تلاش
میں بساط وقت پر آتا رہا جاتا رہا
میں نے دل سے دور ہٹ کر اک صدا کی تھی مگر
دیر تک یہ دشت میرے حرف دہراتا رہا
عشق آخر عشق تھا جیسا بھی تھا جتنا بھی تھا
سر زمین دل پہ اک پرچم تو لہراتا رہا
Kaisa manzar tha ke pas-e-manzar mein reh jata raha
Kaisa manzar tha ke pas-e-manzar mein reh jata raha
Andar andar jaane mujh ko kaun mehkaata raha
Khaak udaate dasht-e-dil mein tum bhi ojhal ho gaye
Aakhir us naqsh-e-kaf-e-pa se bhi main jata raha
Woh bhi kya din the ke jis jis mauj par padta tha paaon
Khud kinare tak samandar chhodne aata raha
Raakh sacchi thi tabhi to sar utha kar chal padi
Sho'la jhoota tha dilon ke beech bal khaata raha
Har zamane mein rahi apne zamane ki talash
Main basaat-e-waqt par aata raha jata raha
Main ne dil se door hat kar ik sada ki thi magar
Der tak ye dasht mere harf dohrata raha
Ishq aakhir ishq tha jaisa bhi tha jitna bhi tha
Sar-zameen-e-dil pe ik parcham to lehrata raha
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں