خود میں اتریں تو پلٹ کر واپس آ سکتے نہیں — شاہین عباس
شاعر
خود میں اتریں تو پلٹ کر واپس آ سکتے نہیں
خود میں اتریں تو پلٹ کر واپس آ سکتے نہیں
ورنہ کیا ہم اپنی گہرائی کو پا سکتے نہیں
خوشبوئیں کپڑوں میں نادیدہ چمن زاروں کی ہیں
ہم کہاں سے ہو کے آئے ہیں بتا سکتے نہیں
ہم نے ان گلیوں میں چلنے کی رعایت لی ہے بس
دیکھ سکتے ہیں ہمیں یہ گھر بسا سکتے نہیں
یہ بھرم منظر کا بھی ہے اور پس منظر کا بھی
آخری نقش تماشا ہے مٹا سکتے نہیں
نقشۂ نابود اٹھائے پھر رہے ہیں شہر شہر
پھر رہے ہیں اور بس آگے بتا سکتے نہیں
ہم کوئی پردہ مکمل کر رہے ہیں دیر سے
آنکھ چاہیں بھی تو تجھ پر سے ہٹا سکتے نہیں
زندگی ہم تیری جانب آ رہے ہیں ایک ساتھ
ایک ساتھ آنے کا مطلب ہے کہ آ سکتے نہیں
ساری گرہیں کھول کر بیکار ہو بیٹھے تو ہیں
اب لگاتے ہیں دوبارہ اور لگا سکتے نہیں
انتظاری ہیں سو بام و در پہ بھاری بھی تو ہیں
رخنے بھر سکتے نہیں پردے گرا سکتے نہیں
الوداعی اک چراغاں اور پھر رخصت ہمیں
اب مزید اس روشنی پر داد پا سکتے نہیں
رہتے رہتے رہ نہ جائیں لوگ اس تصویر کے
ہم قدم اس کے ہیں جس کے ساتھ جا سکتے نہیں
ہاتھ سے نکلے ہوئے نا وصف ناوقتوں کے ہم
ہاتھ آنا چاہتے ہیں اور آ سکتے نہیں
تیری جانب سے اٹھا سکتے ہیں گر پاؤں تو کیا
تیری جانب سے ہم اپنی خاک اڑا سکتے نہیں
Khud mein utrein to palaṭ kar wapas aa sakte nahin
Khud mein utrein to palaṭ kar wapas aa sakte nahin
Warna kya hum apni gehrai ko pa sakte nahin
Khushboein kapṛon mein nadeeda chaman zaron ki hain
Hum kahan se ho ke aaye hain bata sakte nahin
Hum ne un galiyon mein chalne ki riayat li hai bas
Dekh sakte hain hamein yeh ghar basa sakte nahin
Yeh bharam manzar ka bhi hai aur pas-e-manzar ka bhi
Akhiri naqsh tamasha hai miṭa sakte nahin
Naqsha-e-nabood uṭhaye phir rahe hain shahar shahar
Phir rahe hain aur bas aage bata sakte nahin
Hum koi parda mukammal kar rahe hain der se
Aankh chahein bhi to tujh par se haṭa sakte nahin
Zindagi hum teri janib aa rahe hain ek sath
Ek sath aane ka matlab hai ke aa sakte nahin
Saari girhein khol kar bekar ho baiṭhe to hain
Ab lagate hain dobara aur laga sakte nahin
Intezaari hi hain so baam-o-dar pe bhaari bhi to hain
Rakhne bhar sakte nahin parde gira sakte nahin
Alwidaai ik charaghan aur phir rukhsat hamein
Ab mazeed is roshni par dad pa sakte nahin
Rahte rahte rah na jaein log is tasveer ke
Hum qadam us ke hain jis ke sath ja sakte nahin
Hath se nikle hue na wasf nawqton ke hum
Hath aana chahte hain aur aa sakte nahin
Teri janib se uṭha sakte hain gar paon to kya
Teri janib se hum apni khak uṛa sakte nahin
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں