خواب کھلنا ہے جو آنکھوں پہ وہ کب کھلتا ہے — شاہین عباس
شاعر
خواب کھلنا ہے جو آنکھوں پہ وہ کب کھلتا ہے
خواب کھلنا ہے جو آنکھوں پہ وہ کب کھلتا ہے
پھر بھی کہیے کہ بس اب کھلتا ہے اب کھلتا ہے
باب رخصت سے گزرتا ہوں سو ہوتی ہے شناخت
جس قدر دوش پہ سامان ہے سب کھلتا ہے
یہ اندھیرا ہے اور ایسے ہی نہیں کھلتا یہ
دیر تک روشنی کی جاتی ہے تب کھلتا ہے
میری آواز پہ کھلتا تھا جو در پہلے پہل
میں پریشاں ہوں کہ خاموشی پہ اب کھلتا ہے
اک مکاں کی بڑی تشویش ہے رہ گیروں کو
وہ جو برسوں میں نہیں کھلتا تو کب کھلتا ہے
اب کھلا ہے کہ چراغوں کو یہاں رکھا جائے
یہ وہ رخ ہے جہاں دروازۂ شب کھلتا ہے
اس نے کھلنے کی یہی شرط رکھی ہو جیسے
مجھ میں گرہیں سی لگا جاتا ہے جب کھلتا ہے
Khwab khulna hai jo aankhon pe woh kab khulta hai
Khwab khulna hai jo aankhon pe woh kab khulta hai
Phir bhi kahiye ke bas ab khulta hai ab khulta hai
Baab-e-rukhsat se guzarta hoon so hoti hai shanaakht
Jis qadar dosh pe saamaan hai sab khulta hai
Yeh andhera hai aur aise hi nahin khulta yeh
Der tak roshni ki jaati hai tab khulta hai
Meri awaaz pe khulta tha jo dar pehle pehal
Main pareshaan hoon ke khamoshi pe ab khulta hai
Ik makaan ki badi tashweesh hai rehgeeron ko
Woh jo barson mein nahin khulta toh kab khulta hai
Ab khula hai ke charaghon ko yahan rakha jaaye
Yeh woh rukh hai jahan darwaza-e-shab khulta hai
Usne khulne ki yehi shart rakhi ho jaise
Mujh mein girhein si laga jaata hai jab khulta hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں