خواب کو خواب کی تعبیر سے پہچانا ہے — شاہین عباس
شاعر
خواب کو خواب کی تعبیر سے پہچانا ہے
خواب کو خواب کی تعبیر سے پہچانا ہے
یعنی خود کو تری تصویر سے پہچانا ہے
کبھی پاؤں سے جو پہچان لئے جاتے تھے
اب انہیں پاؤں کی زنجیروں سے پہچانا ہے
عشق تازہ کا یہ مضموں کوئی مضموں ہے جسے
اپنی مٹتی ہوئی تحریر سے پہچانا ہے
واپسی پر میں اکیلا تھا سو خوش تھا کہ مجھے
در و دیوار نے تاخیر سے پہچانا ہے
ہمیں لوگوں نے کہ جو صبح سے چپ بیٹھے تھے
حرف کو نالۂ شبگیر سے پہچانا ہے
خاک پر خاک اڑائی ہے محبت کی ہے
شہر کو شہر کی تعمیر سے پہچانا ہے
Khwab ko khwab ki ta'beer se pehchana hai
Khwab ko khwab ki ta'beer se pehchana hai
Yaani khud ko teri tasweer se pehchana hai
Kabhi paaon se jo pehchan liye jaate the
Ab unhein paaon ki zanjeeron se pehchana hai
Ishq taza ka ye mazmoon koi mazmoon hai jise
Apni miti hui tehreer se pehchana hai
Wapasi par main akela tha so khush tha ke mujhe
Dar-o-deewar ne taakheer se pehchana hai
Hamein logon ne ke jo subh se chup baithe the
Harf ko nala-e-shabgeer se pehchana hai
Khaak par khaak udaai hai mohabbat ki hai
Shehr ko shehr ki ta'meer se pehchana hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں