کسی اپنی زمیں پر اور کسی اپنے زمانے میں — شاہین عباس
شاعر
کسی اپنی زمیں پر اور کسی اپنے زمانے میں
کسی اپنی زمیں پر اور کسی اپنے زمانے میں
مری تو عمر گزری ہے تجھے منظر پہ لانے میں
نظر کی حیرتیں آخر کو رخصت ہو گئیں اور میں
اکیلا رہ گیا ہوں وقت کے آئینہ خانے میں
کسی کے آنسوؤں نے جیسے مجھ کو باندھ رکھا ہو
عجب سی روک ہے ان پانیوں سے لوٹ آنے میں
چراغ دل ہوں اور تیرے نگہ داروں میں شامل ہوں
سر طاق نظر روشن ہوں بے خوابی کے خانے میں
یہ سانس اک شعلۂ آئندہ کی لپٹوں میں پیدا سانس
برا کیا ہے اگر آزاد ٹھہرے آنے جانے میں
سکوت دل بتا تو یہ در و بست نوا کیا ہے
ترا حصہ کہاں تک ہے مرا لہجہ بنانے میں
Kisī apnī zamīñ par aur kisī apne zamāne mein
Kisī apnī zamīñ par aur kisī apne zamāne mein
Merī to umr guzarī hai tujhe manzar pe laane mein
Nazar kī hairateñ āḵẖir ko ruḵẖsat ho ga'īñ aur maiñ
Akelā rah gayā huuñ waqt ke ā'īna-ḵẖāne mein
Kisī ke āñsu'oñ ne jaise mujh ko bāndh rakhā ho
Ajab sī rok hai un pāniyoñ se lauṭ aane mein
Chirāg̠h-e-dil huuñ aur tere nigah-dāroñ mein shāmil huuñ
Sar-e-ṭāq-e-nazar roshan huuñ be-ḵẖwābī ke ḵẖāne mein
Ye saañs ik shoʿla-e-ā'indā kī lapṭoñ mein paidā saañs
Burā kyā hai agar āzād ṭhahre aane jaane mein
Sukūt-e-dil batā to ye dar-o-bast-e-navā kyā hai
Terā hissa kahāñ tak hai merā lahja banāne mein
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں